ရှရှားတွင် ပညာတော်သင် တက်ရောက်နေသည့် မြန်မာ့တပ်မတော် အရာရှိ ၅ ဦး COVID-19 ပိုး ကူးစက်ခံ​နေရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, May 4, 2020

ရှရှားတွင် ပညာတော်သင် တက်ရောက်နေသည့် မြန်မာ့တပ်မတော် အရာရှိ ၅ ဦး COVID-19 ပိုး ကူးစက်ခံ​နေရ


မင်းဇော်မင်း
.
​ရုရှားနိုင်ငံတွင် ပညာတော်သင် သွားရောက်နေသည့် မြန်မာ့တပ်မတော်မှ သင်တန်းသားများအနက် အရာရှိ ၂ ဦးတွင် COVID-19 ပိုး ထပ်မံ တွေ့ရှိရပြီး စုစုပေါင်း ရောဂါကူးစက်ခံရသူ တပ်မတော်အရာရှိ ၅ ဦး ရှိပြီ ဖြစ်ကြောင်း မေလ ၄ ရက်က တပ်မတော်ကာကွယ်ရေး ဦးစီးချုပ်ရုံးမှ ထုတ်ပြန်ကြေညာထားသည်။
.

ရုရှားနိုင်ငံ၊ မော်စကိုမြို့ရှိ Russian University of Transport (MIIT/RUT) တက္ကသိုလ်၌ ပညာတော်သင် တက်ရောက်နေသည့် မြန်မာ့တပ်မတော် သင်တန်းသား ၂ ဦးနှင့် Moscow Power Engineering Institute(MPEI)တက္ကသိုလ်၌ ပညာတော်သင် တက်ရောက်နေသည့် မြန်မာ့တပ်မတော် သင်တန်းသား ၁ ဦးတို့တွင် COVID-19 ရောဂါပိုး တွေ့ရှိကြောင်း ဧပြီ ၂၉ ရက်တွင် တပ်မတော်ကာကွယ်ရေး ဦးစီးချုပ်ရုံးမှ သတင်း ထုတ်ပြန်ခဲ့ပြီးနောက် ယခုတွင် ၂ ဦး ထပ်မံ ကူးစက်ခံရကြောင်း ထုတ်ပြန်ခဲ့ခြင်း ဖြစ်သည်။
.
အဆိုပါ ရုရှားနိုင်ငံတွင် COVID-19  ရောဂါပိုး ကူးစက်ခံထားရသော မြန်မာ့တပ်မတော်မှ သင်တန်းသား အရာရှိ ၅ ဦးသည့် ထူးခြားသည့် ဖျားနာဝေဒနာ ခံစားရမှုမျိုး မရှိဘဲ ကျန်းမာရေး အခြေအနေမှာ ကောင်းမွန်လျက်ရှိပြီး မော်စကိုမြို့ အနီးရှိ လူနာများ သီးသန့်ထားရှိသည့် ကျန်းမာရေး စောင့်ရှောက်မှု စင်တာ၌ ရုရှား ကျန်းမာရေး ဝန်ကြီးဌာန၏ အစီအစဉ်ဖြင့်  ဆေးကုသမှု ခံယူလျက်ရှိကြောင်းနှင့် မြန်မာစစ်သံရုံးမှ လိုအပ်သည့် ကူညီစောင့်ရှောက်မှုများ ပြုလုပ်ပေးလျက်ရှိကြောင်း ထုတ်ပြန်ချက်တွင် ဖော်ပြထားသည်။
.

No comments:

Post a Comment

Journal Download

Photo of three cats

About