ကမ္ဘောဇတိုင်း
.
ချင်းပြည်နယ်၊ တီးတိန်မြို့နယ်တွင် COVID-19 ပိုးတွေ့အတည်ပြုလူနာ
၂ ဦး ထပ်မံတွေ့ရှိပြီး မြန်မာတစ်နိုင်ငံလုံးတွင် ယနေ့ မေလ ၂၃ ရက်အထိ COVID-19 ပိုးတွေ့လူနာ
၂၀၁ ဦး ရှိလာနေပြီဖြစ်ကြောင်း ကျန်းမာရေးနှင့် အားကစား ဝန်ကြီးဌာန၏ ယနေ့ မေလ ၂၃ ရက်၊
နံနက် ၇ နာရီ ထုတ်ပြန်ချက်အရ သိရသည်။
.
.
အမျိုးသားကျန်းမာရေးဆိုင်ရာ ဓါတ်ခွဲမှုဌာန (ရန်ကုန်) မှ မေလ ၂၃
ရက်၊ နံနက်အစောပိုင်းတွင် ဒုတိယအသုတ် အဖြစ် ဓါတ်ခွဲနမူနာ ၃၇၄ ခုကို စစ်ဆေးခဲ့ရာ လူနာအသစ်
၂ ဦး ထပ်မံတွေ့ရှိခဲ့ခြင်းဖြစ်ကြောင်း သိရသည်။
အဆိုပါ ဓါတ်ခွဲအတည်ပြုလူနာများမှာ ချင်းပြည်နယ်၊ တီးတိန်မြို့နယ်မှ
အသက် ၃၈ နှစ်အရွယ် အမျိုးသားနှင့် အသက် ၂၆ နှစ် အရွယ် အမျိုးသားတို့ဖြစ်ပြီး ၂ ဦလုံးမှာ
မလေးရှားနိုင်ငံမှ ပြန်လာသူများဖြစ်ကြောင်း သိရသည်။
.
သို့ဖြစ်၍ ယနေ့ မေလ ၂၃ ရက်၊ နံနက်ပိုင်းအထိ မြန်မာတစ်နိုင်ငံလုံးတွင်
COVID-19 အတည်ပြုလူနာ ၂၀၁ ဦး ရှိလာ နေပြီဖြစ်ပြီး ၎င်းတို့အနက် ၆ ဦး သေဆုံး၍ ရောဂါပိုးကင်းစင်လာသူ,
၁၁၆ ဦး ရှိလာနေပြီဖြစ်ကြောင်း သိရသည်။
.
မေလ ၂၂ ရက်နှင့် ၂၃ ရက်၊ နံနက်အစောပိုင်းတွင် အမျိုးသားကျန်းမာရေးဓါတ်ခွဲမှုဆိုင်ရာဌာန
(ရန်ကုန်) မှ ဓါတ်ခွဲနမူနာ ၅၆၁ ခုနှင့် ဆေးသုတေသနဦးစီးဌာနမှ ဓါတ်ခွဲနမူနာ ၁၇၉ ခု၊ စုစုပေါင်း
၇၄၀ ခုတို့အား ဓါတ်ခွဲ စစ်ဆေး ခဲ့ခြင်းဖြစ်ကြောင်း သိရသည်။
.
