COVID-19 ပိုးတွေ့လူနာအသစ် ၃ ဦး ထပ်တိုး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, May 18, 2020

COVID-19 ပိုးတွေ့လူနာအသစ် ၃ ဦး ထပ်တိုး


ကမ္ဘောဇတိုင်း
.
ကျန်းမာရေးနှင့် အားကစားဝန်ကြီးဌာန၏ ယနေ့ မေလ ၁၈ ရက်၊ နံနက် ၇ နာရီခွဲအချိန် သတင်းထုတ်ပြန်ချက်အရ တနင်္သာရီတိုင်းဒေသကြီးနှင့် ကရင်ပြည်နယ်တို့မှ COVID-19 ပိုးတွေ့ အတည်ပြုလူနာ ၃ ဦး ထပ်တိုးလာပြီး စုစုပေါင်း ပိုးတွေ့လူနာ ၁၈၇ ဦး ရှိလာပြီဖြစ်ကြောင်း သိရသည်။
.
 
.
အမျိုးသားဓါတ်ခွဲမှုဆိုင်ရာဌာန (ရန်ကုန်)မှ မေလ ၁၇ ရက်က ဓါတ်ခွဲနမူနာ ၁၉၀ ခုအား ဒုတိယအသုတ်အဖြစ် စစ်ဆေးခဲ့ရာ COVID-19 ရောဂါ ဓါတ်ခွဲအတည်ပြုလူနာ အသစ် ၃ ဦး တွေ့ရှိပြီး ကျန် ဓါတ်ခွဲအဖြေများတွင် ရောဂါပိုး တွေ့ရှိရခြင်းမရှိကြောင်း သိရသည်။
.
အဆိုပါ လူနာအသစ် ၃ ဦးမှာ တနင်္သာရီတိုင်းဒေသကြီး၊ တနင်္သာရီမြို့နယ်မှ အသက် ၄၆ နှစ်အရွယ် အမျိုးသား၊ ကရင် ပြည်နယ်၊ ကော့ရိတ်မြို့နယ်မှ အသက် ၂၂ နှစ်အရွယ် အမျိုးသားနှင့် အသက် ၃၅ နှစ်အရွယ် အမျိုးသားတို့ဖြစ်ပြီး ၃ ဦး လုံးမှာ COVID-19 ပိုးတွေ့အတည်ပြုလူနာများနှင့် ထိတွေ့မှုရာဇဝင် မရှိခဲ့သော်လည်း မလေးရှားနိုင်ငံမှ ပြန်လာပြီး  အသွားအလာကန့်သတ် စောင့်ကြည့်နေသူများဖြစ်ကြကြောင်း သိရသည်။
.
သို့ဖြစ်၍ ယနေ့ မေလ ၁၈ ရက်အထိ မြန်မာနိုင်ငံတစ်ဝှမ်းတွင် COVID-19 ရောဂါ ဓါတ်ခွဲအတည်ပြုလူနာ ၁၈၇ ဦး ရှိလာပြီဖြစ်ပြီး ၎င်းတို့အနက် ရောဂါပိုးကင်စင်သူ ၉၇ ဦး ရှိကာ သေဆုံးသူ ၆ ဦး ရှိခဲ့ကြောင်း သိရသည်။
.
မေလ ၁၇ ရက်က အမျိုးသားဓါတ်ခွဲမှုဆိုင်ရာဌာန (ရန်ကုန်) မှ ဓါတ်ခွဲနမူနာ ၃၇၆ ခုနှင့် ဆေးသုတေသနဦးစီးဌာနမှ ဓါတ်ခွဲနမူနာ ၂၀၀ ခုတို့အား စစ်ဆေးခဲ့ခြင်းဖြစ်ကြောင်း ကျန်းမာရေးနှင့် အားကစားဝန်ကြီးဌာန၏ ထုတ်ပြန်ချက်အရ သိရသည်။
.

No comments:

Post a Comment

Journal Download

Photo of three cats

About