ကမ္ဘောဇတိုင်း
.
ကျန်းမာရေးနှင့် အားကစားဝန်ကြီးဌာန၏ ယနေ့ မေလ ၁၆ ရက်၊ နံနက် ၇ နာရီ
ထုတ်ပြန်ချက်အရ ချင်းပြည်နယ်၊ ထန်တလန်မြို့နယ်မှ အမျိုးသားတစ်ဦးတွင် COVID-19 ရောဂါပိုး
တွေ့ရှိကြောင်း ထုတ်ပြန်ကြေညာခဲ့ရာ ယင်း အမျိုးသား အပါအဝင် မြန်မာနိုင်ငံတစ်ဝှမ်းတွင်
COVID-19 ပိုးတွေ့လူနာ စုစုပေါင်း ၁၈၂ ဦး ရှိလာနေပြီဖြစ်ကြောင်း သိရသည်။
.
.
အမျိုးသားဓါတ်ခွဲမှုဆိုင်ရာဌာန (ရန်ကုန်) မှ မေလ ၁၆ ရက်၊ နံနက်အစောပိုင်းတွင်
တတိယအသုတ်အဖြစ် ဓါတ်ခွဲ နမူနာ ၂၆၇ ခုအား စစ်ဆေးခဲ့ရာ တစ်ဦး၏ ဓါတ်ခွဲနမူနာတွင်
COVID-19 ရောဂါပိုး တွေ့ရှိခဲ့ခြင်းဖြစ်ကြောင်း သိရသည်။
အဆိုပါ ပိုးတွေ့လူနာသည် ချင်းပြည်နယ်၊ ထန်တလန်မြို့နယ်မှ အသက် ၃၂
နှစ်အရွယ် အမျိုးသားဖြစ်ပြီး COVID-19 အတည်ပြုလူနာများနှင့် ထိတွေ့မှုမရှိသောလည်း မလေးရှားသို့
ခရီးသွားရာဇဝင် ရှိခဲ့ကာ အသွားအလာ ကန့်သတ် ထားသူတစ်ဦးဖြစ်ကြောင်း သိရသည်။
.
မြန်မာနိုင်ငံတစ်ဝှမ်းတွင် ယနေ့ မေလ ၁၆ ရက်အထိ COVID-19 ရောဂါ ဓါတ်ခွဲအတည်ပြုလူနာ
၁၈၂ ဦး ရှိသည့် အနက် ရောဂါပိုးကင်းစင်လာသူ ၈၉ ဦးရှိပြီး ၇၄ ဦးအား ဆေးရုံမှ ဆင်းခွင့်ပြုပြီးဖြစ်ကာ
သေဆုံးသူ ၆ ဦး ရှိခဲ့ကြောင်း သိရသည်။
.
ယမန်နေ့ မေလ ၁၅ ရက်မှ မေလ ၁၆ ရက်၊ နံနက်အစောပိုင်းအထိ အမျိုးသားဓါတ်ခွဲမှုဆိုင်ရာဌာန
(ရန်ကုန်)မှ ဓါတ်ခွဲနမူနာ ၅၄၆ ခုနှင့် ဆေးသုတေသနဦးစီးဌာနမှ ဓါတ်ခွဲနမူနာ ၁၄၈ ခု၊ စုစုပေါင်း
၆၄၉ ခုတို့အား စစ်ဆေးခဲ့ခြင်း ဖြစ်ကြောင်း သိရသည်။
.
