စဝ်စံထွန်းဆေးရုံမှ COVID-19 လူနာအမှတ် (၁၂၁) ၏ ဓါတ်ခွဲအဖြေတွင် ပိုးမတွေ့တော့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, May 12, 2020

စဝ်စံထွန်းဆေးရုံမှ COVID-19 လူနာအမှတ် (၁၂၁) ၏ ဓါတ်ခွဲအဖြေတွင် ပိုးမတွေ့တော့


နန်းဝင်းရီ
.
ရှမ်းပြည်နယ်မြို့တော်၊ တောင်ကြီးမြို့၊ စဝ်စံထွန်းဆေးရုံတွင် ဆေးကုသမှု ခံယူနေသည့် COVID-19 ပိုးတွေ့လူနာအမှတ် (၁၂၁) ၏ ဓါတ်ခွဲအဖြေတွင် ရောဂါပိုး မတွေ့ရှိရတော့ကြောင်း ရှမ်းပြည်နယ် ပြည်သူ့ ကျန်းမာရေးဦးစီးဌာနမှ သိရသည်။
.
 
.
“လူနာအမှတ် (၁၂၁) က တတိယအကြိမ် ဓါတ်ခွဲအဖြေမှာ Negative ဖြစ်သွားပါပြီ။ သူ့ကိုလည်း နောက်တစ်ကြိမ် ထပ်စစ်ဖို့ လုပ်နေပါတယ်။ ရှမ်းတောင်ကနေ ထပ်ပို့ဖို့ လူ ၁၄၀ ဦး လောက် ရှိပါတယ်။ သဘက်ခါ ပို့မှာပါ” ဟု ရှမ်းပြည်နယ် ပြည်သူ့ကျန်းမာရေးဦးစီးဌာနမှ ဒေါက်တာနှင်းအိဖြူက ကမ္ဘောဇတိုင်းသို့ ပြောသည်။
.
လူနာအမှတ် (၁၂၁)သည် ရှမ်းပြည်နယ်၊ တောင်ကြီးမြို့မှ အသက် ၂၁ နှစ်အရွယ် အမျိုးသမီး ဖြစ်ကာ ဧပြီလ ၂၁ ရက်က ကျန်းမာရေးနှင် အားကစားဝန်ကြီးဌာန၏ ထုတ်ပြန်ချက်တွင် COVID-19 အတည်ပြုလူနာအဖြစ် ပါရှိခြင်းဖြစ်ပြီး လက်ရှိတွင် စဝ်စံထွန်းဆေးရုံ၌ ဆေးကုသမှု ခံယူနေခြင်းဖြစ်ကြောင်း သိရသည်။
.
ရှမ်းပြည်နယ်ရှိ COVID-19 ပိုးတွေ့လူနာ ၇ ဦးအနက် တောင်ကြီးမြို့၊ စဝ်စံထွန်းဆေးရုံတွင် ဆေးဝါးကုသမှု ခံယူခဲ့သော COVID-19 ပိုးတွေ့လူနာ အမှတ် (၂၉)၊ လားရှိုးပြည်သူ့ဆေးရုံကြီးတွင် ဆေးကုသမှု ခံယူခဲ့သော ပိုးတွေ့လူနာအမှတ် (၁၄)နှင့် မူဆယ်ပြည်သူ့ဆေးရုံတွင် ဆေးကုသမှု ခံယူခဲ့သော လူနာအမှတ် (၁၄၃) တို့မှာ ၂ ကြိမ် ဆက်တိုက် ရောဂါပိုး မတွေ့ရှိသဖြင့် ဆေးရုံမှ ဆင်းခွင့်ရပြီဖြစ်သည့်အပြင် ကျိုင်းတုံ ဆေးရုံမှ ပိုးတွေ့လူနာ အမှတ် (၉၆) သည်လည်း ၂ ကြိမ်ဆက်တိုက် ရောဂါပိုး မတွေ့ရှိတော့သဖြင့် Hospital Quarantine ဝင်ရောက်လျက်ရှိကြောင်း သိရသည်။
.

No comments:

Post a Comment

Journal Download

Photo of three cats

About