မိုးရာသီစိုက်ပျိုးသီးနှံ ဘဏ်ချေးငွေများကို မေလအတွင်း ထုတ်ချေးပေးမည်

စုလှိုင်

.

ရှမ်းပြည်နယ်အတွင်း တောင်သူများအတွက် ၂၀၂၀ ပြည့်နှစ် မိုးရာသီ စိုက်ပျိုးသီးနှံ ချေးငွေများကို မေလအတွင်း စတင်ထုတ်ချေးပေးသွားမည်ဖြစ်ကြောင်း ရှမ်းပြည်နယ်အစိုးရအဖွဲ့ ပြောရေးဆိုခွင့်ရှိသူ ပြည်နယ်စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်ထံက သိရသည်။ 

.

.

ရှမ်းပြည်နယ်အတွင်းရှိ ဘဏ်ခွဲ ၇ ခုမှ မြို့နယ်​ပေါင်း ၂၀ သို့ မိုးစပါး ၇၅၂၃၂ ဧကနှင့် အခြားသီးနှံ ၃၃၅၀၂ ဧက၊ စုစု​ပေါင်း ၁၀၈၇၃၄ ဧက အတွက်​ ချေး​ငွေပမဏကျပ်သန်း​ပေါင်း ၁၄၆၃၅ ထုတ်​ချေးပေးရန် လျာထားကြောင်း သိရသည်။

.

“ချေးငွေ ထုတ်ချေးပေးတာက ငွေရေးကြေးရေး အသေးစား ဝန်ကြီးဌာနက ကိုယ်တိုင် လက်မှတ်ထိုးထားတာရှိတယ်။ ချေးငွေ အတိုးကို လိုက်လံမကောက်ဖို့နဲ့ လူစုလူဝေးမဖြစ်ဖို့ စာထုတ်ထားတယ်။ သို့သော်လည်း မိုးရာသီ ရောက်တဲ့ အခါ မစိုက်ပျိုးလို့လည်း မရဘူး။ စားဖို့ကလည်း လုပ်ရမှာဆိုတော့ အဲဒီအတွက် အချိန်မီ ချေးငွေတွေကို ထုတ်ပေးခြင်း ဖြစ်တယ် ”ဟု ပြည်နယ်ဝန်ကြီး ဦးစိုးညွန့်လွင်က ကမ္ဘောဇတိုင်းသို့ ပြောသည်။

ထို့အပြင် ရှမ်းပြည်နယ် မြောက်ပိုင်းရှိ ဘဏ်ခွဲ (၂) လားရိူးမြို့တွင်လည်း ၂၀၂၀ မိုးရာသီစိုက်ပျိုးစရိတ်​ချေး​ငွေအတွက် ကျပ်သိန်း​ပေါင်း ၈၈၇၆၂ သိန်းထုတ်​ချေး​ပေးသွားမည်ဖြစ်​ကြောင်း သိရှိရသည်။

.

​ချေး​ငွေနှုန်းထားများကို စပါးတစ်ဧကလျှင် တစ်သိန်းခွဲကျပ်၊ အခြားသီးနှံတစ်ဧကလျှင် တစ်သိန်းကျပ်ဖြင့်ထုတ်​ချေး​ပေးသွားမည်ဖြစ်ပြီး အတိုးနှုန်းထားကို တောင်သူလယ်သမားများထုတ်​ချေး​ငွေအ​ပေါ်တွင်​ တစ်နှစ် ၅ ရာခိုင်နှုန်း ၊​ တစ်လ ၄၁ ဒသမ ၆၇ ပြားအတိုးနှုန်း​ကောက်ခံသွားမည်ဖြစ်ကြောင်း သိရသည်။

.

ထို့အပြင် ချေး​ငွေပြန်လည်​ပေးဆပ်ရန်​ နောက်ဆုံးသတ်မှတ်ရက် အသီးသီး​​ ကျော်လွန်ပါက ကျသင့်​သော အတိုးနှုန်း အပြင်​​ ကျော်လွန်​သောကာလအတွက်​​ တစ်လ ၀ ဒသမ ၅ ရာခိုင်နှုန်းဖြင့် ​ကောက်ခံသွားမည်ဖြစ်ကြောင်း သိရသည်။

.