ရှမ်းတောင်မှ ပေးပို့ထားသည့် ဓါတ်ခွဲနမူနာများတွင် COVID-19 ပိုး မတွေ့၊ လူနာအမှတ်(၁၂၁)၏ ဓါတ်ခွဲအဖြေ မရသေး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, May 10, 2020

ရှမ်းတောင်မှ ပေးပို့ထားသည့် ဓါတ်ခွဲနမူနာများတွင် COVID-19 ပိုး မတွေ့၊ လူနာအမှတ်(၁၂၁)၏ ဓါတ်ခွဲအဖြေ မရသေး


ရှမ်းပြည်နယ်တောင်ပိုင်းမှ COVID-19 နှင့် ပတ်သက်၍ အမျိုးသားကျန်းမာရေး ဓါတ်ခွဲမှုဆိုင်ရာဌာန (ရန်ကုန်)သို့ ပေးပို့ စစ်ဆေးထားသည့် ဓါတ်ခွဲ နမူနာများတွင် ပိုး မတွေ့ရကြောင်းနှင့် ပိုးတွေ့အတည်ပြုလူနာ အမှတ်(၁၂၁)၏ ဓါတ်ခွဲအဖြေမှာ မရရှိသေးကြောင်း ရှမ်းပြည်နယ် ပြည်သူ့ကျန်းမာရေးဦးစီးဌာနထံမှ သိရသည်။
.
“ ကျန်တဲ့သူ ၈၇ ယောက်ရဲ့ ဓါတ်ခွဲ အဖြေကတော့ ပိုး မတွေ့ဘူးလို့ ထွက်တယ်။ Case 121 ရဲ့ အဖြေကတော့ မရသေးဘူး။” ဟု ရှမ်းပြည်နယ် ပြည်သူ့ကျန်းမာရေးဦးစီးဌာနမှ ဒေါက်တာ နှင်းအိဖြူက ကမ္ဘောဇတိုင်းသို့ ပြောသည်။
.

တောင်ကြီး စဝ်စံထွန်းဆေးရုံ၌ ဆေးကုသမှု ခံယူနေသည့် COVID-19 ပိုးတွေ့ အတည်ပြု လူနာအမှတ်(၁၂၁)နှင့် အခြား ၈၇ ဦး၏ ဓါတ်ခွဲ အဖြေများကို အမျိုးသားကျန်းမာရေး ဓါတ်ခွဲမှုဆိုင်ရာဌာန (ရန်ကုန်)သို့ မေလ ၇ ရက်က ပေးပို့ စစ်ဆေးခဲ့ခြင်း ဖြစ်သည်။
.
ထို့အတူ ရှမ်းပြည်နယ် အရှေ့ပိုင်း၊ ကျိုင်းတုံပြည်သူ့ဆေးရုံ၌ ဆေးကုသမှု ခံယူနေသည့် လူနာအမှတ်(၁၁၂)၏ ဓါတ်ခွဲ အဖြေတွင် ပထမအကြိမ် COVID-19 ပိုး မတွေ့ရကြောင်းနှင့် လူနာအမှတ်(၉၆)၏ ပထမအကြိမ် ဓါတ်ခွဲအဖြေတွင် ပိုး မတွေ့ရသော်လည်း ဒုတိယအကြိမ် ဓါတ်ခွဲအဖြေတွင် ပိုး ပြန်လည် တွေ့ရှိနေကြောင်း သိရသည်။
.
ရှမ်းပြည်နယ်ရှိ  COVID-19 ပိုးတွေ့ အတည်ပြုလူနာ ၇ ဦးအနက် လားရှိုးဆေးရုံ၌ ဆေးကုသမှု ခံယူခဲ့သည့် ကျောက်မဲမြို့မှ လူနာအမှတ်(၁၄)၊ စဝ်စံထွန်းဆေးရုံ၌ ဆေးကုသမှု ခံယူခဲ့သည့် တောင်ကြီးမြို့မှ လူနာအမှတ်(၂၉)၊ မူဆယ်ဆေးရုံ၌ ဆေးကုသမှု ခံယူခဲ့သည့် မူဆယ်မြို့မှ လူနာအမှတ်(၁၄၃)တို့၏ ဓါတ်ခွဲနမူနာများတွင် ၂ ကြိမ်ဆက် ပိုး မတွေ့ရတော့သဖြင့် ဆေးရုံမှ ဆင်းခွင့် ရရှိပြီ ဖြစ်ကာ ကျိုင်းတုံဆေးရုံ၌ ဆေးကုသမှု ခံယူခဲ့သည့် တာချီလိတ်မြို့မှ လူနာအမှတ်(၄၃)၏ ဓါတ်ခွဲနမူနာတွင် ၂ ကြိမ်ဆက် ပိုး မတွေ့ရတော့သဖြင့် Hospital Quarantine ဝင်နေပြီး ၁၄ ရက် ပြည့်မြောက်ပါက ဆေးရုံမှ ဆင်းခွင့် ရတော့မည် ဖြစ်သည်။

No comments:

Post a Comment

Journal Download

Photo of three cats

About