တောင်ကြီးမြို့၊ ချမ်းသာသမအသင်း၏ ငွေစုငွေချေးခြင်းဆိုင်ရာကိစ္စရပ်များကို ယာယီရပ်ဆိုင်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, April 2, 2020

တောင်ကြီးမြို့၊ ချမ်းသာသမအသင်း၏ ငွေစုငွေချေးခြင်းဆိုင်ရာကိစ္စရပ်များကို ယာယီရပ်ဆိုင်း


ဗျတ္တ
.
ကမ္ဘာတစ်ဝှမ်းတွင် ဖြစ်ပွားနေသည့် COVID-19 ကူးစက်ရောဂါသည် လတ်တလောတွင် မြန်မာနိုင်ငံအတွင်း၌လည်း ကူးစက်မှုများ ရှိလာသည့်အတွက် တောင်ကြီးမြို့၊ ချမ်းသာရပ်ကွက်ရှိ အထွေထွေရောင်းဝယ်ရေးသမဝါယမအသင်း၏ ငွေစုငွေချေးခြင်းဆိုင်ရာ ကိစ္စရပ်များကို ယာယီအားဖြင့် ရပ်ဆိုင်းထားသည်ဟု သိရသည်။
.
 
.
ချမ်းသာရပ်ကွက် အထွေထွေရောင်းဝယ်ရေးသမဝါယမအသင်း အလုပ်အမှုဆောင်များ၏ အစည်းအဝေးဆုံးဖြတ်ချက် အရ အမှုဆောင်အဖွဲ့ဝင်များနှင့် အသင်းသားများအတွက် ကျန်းမာရေးဆိုင်ရာ ကိစ္စရပ်များနှင့် ပတ်သက်၍ အရေးကြီးဆုံးအချိန် ရောက်နေသည့်အတွက် နေ့စဉ် ငွေးသွင်းခြင်း၊ ထုတ်ခြင်း ကိစ္စရပ်များကို ဧပြီလ ၁ ရက်မှ ၃၀ ရက် အထိ တစ်လတိတိ ရပ်နားမည်ဖြစ်ကြောင်း သိရသည်။
.
“အခုက ကိုရိုနာဗိုင်းရပ်စ်နဲ့ ပတ်သက်ပြီး ကျန်းမာရေးဆိုင်ရာ ကိစ္စရပ်တွေနဲ့ အစိုးရိမ်ရဆုံး အနေအထားမှာ ရောက် နေတယ်။ နေ့စဉ် ညနေ ၃ နာရီလောက်ကစပြီး ည ၇ နာရီလောက်အထိ အသင်းသားတွေနဲ့ ငွေသွင်း/ငွေထုတ် ကိစ္စ တွေ လုပ်နေရတော့ လူစုလူဝေးသဘော ဖြစ်နေတာပေါ့။ အဲဒါကြောင့် ရောဂါကူးစက်မှု ထိန်းချုပ်နိုင်အောင် အမှုဆောင်အဖွဲ့တွေ အစည်းအဝေးတိုင်ပင်ပြီး တစ်လရပ်နားဖို့ ဆုံးဖြတ်လိုက်တာပါ” ဟု ချမ်းသာ သမဝါယမ ငွေစုငွေချေးအဖွဲ့မှ အမှုဆောင် ဦးသန်းထွန်းက ကမ္ဘောဇတိုင်းသို့ ပြောသည်။
.
တောင်ကြီးမြို့၊ ချမ်းသာရပ်ကွက် ငွေစုငွေချေးအသင်းအား ရပ်ကွက်သူရပ်ကွက်သူသား၊ အခြေခံလူတန်းစားများ ၏ အလုပ်အကိုင်အခွင့်အလမ်းများ ပြေလည်စေနိုင်ရန်အတွက် ၂၀၁၀ ခုနှစ်တွင် စတင်ဖွဲ့စည်းခဲ့ပြီး ယခုအချိန်တွင် အသင်းဝင်ပေါင်း ၆၀၀ ကျော်ဖြင့်လည်ပတ်နေလျက်ရှိကြောင်း သိရသည်။
.
အလားတူ တောင်ကြီးမြို့ပေါ်ရှိ အချို့သော ငွေစုငွေချေးအသင်းများလည်း ငွေသွင်း/ငွေထုတ် လုပ်ငန်းများကို ယာယီ ရပ်နားထားကြကြောင်း သိရသည်။
.

No comments:

Post a Comment

Journal Download

Photo of three cats

About