တာချီလိတ်ဆေးရုံအတွက် တပ်မတော်မှ အထူးကုဆရာဝန် ၂ ဦး အပါအဝင် ကျန်းမာရေးဝန်ထမ်း ၁၂ ဦး စေလွှတ်ထား - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, April 19, 2020

တာချီလိတ်ဆေးရုံအတွက် တပ်မတော်မှ အထူးကုဆရာဝန် ၂ ဦး အပါအဝင် ကျန်းမာရေးဝန်ထမ်း ၁၂ ဦး စေလွှတ်ထား


ကမ္ဘောဇတိုင်း
.
ရှမ်းပြည်နယ်အရှေ့ပိုင်း၊ တာချီလိတ်ပြည်သူ့ဆေးရုံတွင် ဆေးရုံအုပ်ကြီး အပါအဝင် ဆရာဝန် ၁၀ ဦးနှင့် ဝန်ထမ်း အချို့ကို တာဝန်မှ ယာယီအနားပေးထားသည့်အတွက် ဆေးရုံလုပ်ငန်းများ ပုံမှန်ဆောင်ရွက်နိုင်ရန် တပ်မတော် ကာကွယ်ရေးဦးစီးချုပ်ရုံးမှ အထူးကုဆရာဝန် ၂ ဦး အပါအဝင် ကျန်းမာရေးဝန်ထမ်း ၁၂ ဦ စေလွှတ် ထားသည်ဟု ရှမ်းပြည်နယ် အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းထံက သိရသည်။
.
.
“တာချီလိတ်ဆေးရုံမှာ Positive လူနာတစ်ဦးနဲ့ ဆက်စပ်ပြီးတော့ ဆေးရုံအုပ်ကြီး အပါအဝင် စုစုပေါင်း ၂၁ ယောက် Quarantine လုပ်ခံရတော့ အဲဒီမှာ ဆရာဝန်က ၁၀ ယောက် ဖြစ်နေပါတယ်။ ဒါကြောင့် ဆေးရုံရဲ့ ပုံမှန် ဆေးကုသမှု မပျက်အောင် တပ်မတော်ကာကွယ်ရေးဦးစီးချုပ်ရုံးက တာချီလိတ်ဆေးရုံမှာ ပြည်သူတွေကို ကျန်းမာရေး စောင့်ရှောက် မှု ပေးနိုင်အောင် အထူးကုဆရာဝန် ၂ ဦး၊ လက်ထောက်ဆရာဝန် ၄ ဦး၊ သူနာပြု ၆ ဦးတို့ကို ဒီနေ့ (ဧပြီလ ၁၉ ရက်) မှာ တာချီလိတ်ဗျူဟာကို အရောက်ပို့ပေးမယ်လို့ ပြောပါတယ်။ တပ်မတော်က တာချီလိတ်ဆေးရုံအတွက် အားဖြည့်ပေး တာပါ” ဟု ပြည်နယ် လူမှုရေးဝန်ကြီး ဒေါက်တာ မျိုးထွန်းက ကမ္ဘောဇတိုင်းသို့ ပြောသည်။
.
ထို့အပြင် ကျန်းမာရေးနှင့် အားကစားဝန်ကြီးဌာနက မန္တလေးမြို့ရှိ သမားတော်တစ်ဦးနှင့် မေ့ဆေးဆရာဝန်တစ်ဦး တို့ကို တာချီလိတ်ဆေးရုံသို့ လွှဲပြောင်း တာဝန်ချထားပြီး ရှမ်းပြည်နယ်အရှေ့ပိုင်း တွဲဘက်ပြည်နယ် ပြည့်သူ့ကျန်းမာရေးဦးစီး ဌာနကလည်း ကျိုင်းတုံရှိ သားဖွားမီးယပ်ဆရာဝန်တစ်ဦးကို တာချီလိတ်ပြည်သူ့ ဆေးရုံသို့ တွဲဘက်တာဝန်ချပေးထားကြောင်း သိရသည်။
.
တာဝန်မှ ယာယီ အနားပေးခံရသည့် ကျန်းမာရေးဝန်ထမ်းများမှာ တာချီလိတ် ပြည်သူ့ဆေးရုံတွင် တာဝန် ထမ်းဆောင်နေ သော ကျန်းမာရေး ဝန်ထမ်းများ ဖြစ်ပြီး COVID-19  အတည်ပြု လူနာအမှတ် ၉၆ ဖြစ်သည့် အသက် ၄၃ နှစ်အရွယ် အမျိုးသားနှင့် ထိတွေ့ခဲ့ခြင်းကြောင့် အနားပေး၍  Quarantine  ပြုလုပ်ထားခြင်း ဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About