ပင်လောင်းမြို့နယ်အတွင်းရှိ ရေရှားပါးသော ပေါ့ခင်ကျေးရွာသို့ သောက်သုံးရေ လှူဒါန်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, April 29, 2020

ပင်လောင်းမြို့နယ်အတွင်းရှိ ရေရှားပါးသော ပေါ့ခင်ကျေးရွာသို့ သောက်သုံးရေ လှူဒါန်း


ခွန်အောင် (နောင်တရား)
.
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်အတွင်းရှိ ရေရှားပါးသော ကျေးရွာ ဖြစ်သည့် လွယ်မောကျေးရွာအုပ်စု၊ ပေါ့ခင်ကျေးရွာသို့ ဧပြီလ ၂၈ ရက်က မော်တော်ယာဉ် ၈ စီးဖြင့် ရေဂါလံ ၁၀၀၀၀ ကျော်ကို သွားရောက်လှူဒါန်းခဲ့ကြောင်း သိရသည်။
.
.
ယင်းကဲ့သို့ သောက်သုံးရေ လှူဒါန်းနိုင်ရန်အတွက် လွယ်ဘောင်းဘုန်းတော်ကြီးကျောင်း ဒကာများနှင့် နောင်တရားမြို့ အနီးတစ်ဝိုက်ရှိ ကျေးရွာများက နောင်ပီကျေးရွာအုပ်စု၊ ထီရီးကရင်ကျေးရွာမှ မော်တော်ယာဉ်များဖြင့် သယ်ယူ ပို့ဆောင် လှူဒါန်းပေးခဲ့ခြင်းဖြစ်ကြောင်း သိရသည်။
.
မိုးရာသီကာလတွင် ပေါ့ခင်ကျေးရွာအတွက် ၄ မိုင်ခန့် ကွာဝေးသော ထီရီးကရင်ကျေးရွာ တောင်ပေါ်တစ်ဘက်ပိတ် မြေသားရေလှောင်ကန်မှ ရေပိုက်ဖြင့် သောက်သုံးရေ သွယ်တန်းပေးပို့နေပြီး နွေရာသီ ကာလတွင် အဆိုပါ တောင်ပေါ် ရေလှောင်ကန်မှာ ခန်းခြောက်သွားသည့်အတွက် ပေါ့ခင်ကျေးရွာသို့ သောက်သုံးရေ ရောက်ရှိခြင်းမရှိခြင်းကြောင့် ထီရီးကရင် ကျေးရွာတွင် ကမ္ဘောဇအနာဂတ်အလင်းတန်းမြန်မာဖောင်ဒေးရှင်းမှ တူးဖော်လှူဒါန်းထားသည့် မြေအောက်စက်ရေတွင်းမှ မော်တော်ယာဉ်များဖြင့် သယ်ယူပို့ဆောင်ပေးခြင်းဖြစ်ကြောင်း သိရသည်။
.
ပေါ့ခင်ကျေးရွာတွင် အိမ်ခြေ ၁၅၀ ကျော်၊ အိမ်ထောင်စု ၁၆၀ ကျော်ရှိပြီး ကျွဲနွားများလည်း မွေးမြထားသည့်အတွက် သောက်သုံးရေရှားပါးလျက်ရှိပြီး စိမ့်စမ်းရေမှာလည်း ထွက်ရှိမှု မရှိတော့သဖြင့် မြေအောက်ရ ထုတ်ယူအသုံးပြုနိုင်ရေး အတွက် စက်ရေတွင်း အလှူရှင်များ လိုအပ်လျက် ရှိကြောင်း သိရသည်။
.

No comments:

Post a Comment

Journal Download

Photo of three cats

About