ပင်လုံတွင် COVID-19 အတည်ပြုလူနာနှင့် ထိတွေ့ခဲ့သဖြင့် ကန့်သတ်စောင့်ကြည့်သူများအား နေအိမ်သို့ ပြန်ခွင့်ပြု

နန်းမြင့်မြင့်ဆွေ

.

ရှမ်းပြည်နယ်တောင်ပိုင်း၊ လွိုင်လင်မြို့နယ်၊ ပင်လုံမြို့တွင် COVID-19 အတည်ပြုလူနာ အမှတ် (၉) နှင့် ထိတွေ့ခဲ့သူ များအား အသွားအလာ ကန့်သတ်ထားရာမှ ဧပြီလ ၇ ရက်က နေအိမ်သို့ ပြန်ခွင့်ပြုခဲ့ပြီဖြစ်သည်ဟု သိရသည်။

.

 

.

အဆိုပါ သူများသည် COVID-19 အတည်ပြုလူနာ အမှတ်စဉ် (၉) နှင့်အတူ ထိုင်းနိုင်ငံမှတစ်ဆင့် မြဝတီဝင်ပေါက်မှ ဝင်ရောက်ခဲ့ပြီး ပင်လုံမြို့သို့ ရောက်ရှိခဲ့ခြင်းဖြစ်ကြောင်း သိရသည်။

.

COVID-19 အတည်ပြုလူနာ အမှတ် ၉ နှင့် ထိတွေ့ခဲ့ပြီး ကန့်သတ်စောင့်ကြည့်ခံရသူများဖြစ်သည့် ၁၅ ဦးအား ပင်လုံမြို့ဆေးရုံတာဝန်ခံ ဒေါက်တာစိုင်းမြတ်သူရ က လိုအပ်သည်များ မှာကြားကာ စောင့်ကြည့် ကာလပြည့်ပြီဖြစ်၍ ကျန်းမာရေးကောင်းမွန်သဖြင့် နေအိမ်များသို့ ပြန်ခွင့်ပြုခဲ့ခြင်းဖြစ်ကြောင်း သိရသည်။

.

ထို့အတူ ပင်လုံ ကွန်ပျူတာတက္ကသိုလ်တွင် ကျန်ရှိနေသည့် ပြည်ပမှ ဝင်ရောက်လာသူများ ၃၁ ဦးကိုလည်း စောင့်ကြည့် ကာလပြည့်လျှင် ပြန်လည်စေလွှတ်ပေးသွားမည်ဖြစ်ကြောင်းသိရှိရသည်။

.