COVID-19 ကာကွယ်ထိန်းချုပ်ရေးအတွက် ညောင်ရွှေနှင့် ရွှေညောင်တို့တွင် အထောက်အကူပစ္စည်းများ သွားရောက်လှူဒါန်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, April 8, 2020

COVID-19 ကာကွယ်ထိန်းချုပ်ရေးအတွက် ညောင်ရွှေနှင့် ရွှေညောင်တို့တွင် အထောက်အကူပစ္စည်းများ သွားရောက်လှူဒါန်း


စိုင်းရာဇာ
.
COVID-19 ကပ်ရောဂါကာကွယ်ထိန်းချုပ်ရေးအတွက် အထောက်အကူပြုပစ္စည်းများ စီမံခန့်ခွဲမှု ဆပ်ကော်မတီ (တောင်ကြီး) မှ ညောင်ရွှေနှင့် ရွှေညောင်မြို့တို့တွင် အထောက်အကူပစ္စည်းများအား ဧပြီလ ၈ ရက်၊ နံနက်ပိုင်းက သွားရောက်လှူဒါန်းခဲ့ကြောင်း သိရသည်။  
.

.
ထောက်ပံ့မှုတွေကတော့ အဓိက ကမ္ဘောဇဘဏ်က‌နေ လှူဒါန်းပေးတာဖြစ်ပါတယ်။ တခြားအလှူရှင်တွေ လာလှူ တာလည်း ရှိပါတယ်။ နယ်တွေမှာ အရေးပေါ်အခြေအနေဖြစ်လာရင် အသုံးပြုနိုင်ဖို့  အထောက်အကူပြု ပစ္စည်းတွေ လှူဒါန်းရခြင်းဖြစ်ပါတယ်”ဟု  ရှမ်းပြည်နယ် ပြည်သူလူထုစားနပ်ရိက္ခာထောက်ပံ့ရေးကော်မတီ ဒုတိယဥက္ကဋ္ဌ ဦးသူရစောသိန်းက ကမ္ဘောဇတိုင်းသို့ ပြောသည်။
.
တောင်ကြီးမြို့နယ် အထောက်အကူပြုပစ္စည်းများ စီမံခန့်ခွဲရေး ဆပ်ကော်မတီမှ PPEMask၊ လက်အိတ်၊ မျက်မှန်၊ Hand Gel၊ လက်သန့်ဆေးရည်များကို ညောင်ရွှေမြို့နှင့် ရွှေညောင်မြို့များတွင် သွားရောက်လှူဒါန်းခဲ့ခြင်း ဖြစ်ကြောင်း သိရသည်။
.
ကမ္ဘောဇဘဏ်အနေနဲ့ အောက်ခြေမှာရှိတဲ့ ပြည်တော်ပြန်တွေအတွက် မလုံလောက်မှာ အခက်အခဲဖြစ်မှာ စိုးရိမ် တယ်။ ဒီအချိန်မှာ ကျွန်တော်တို့ ကော်မတီကို တာဝန်ပေးလာတဲ့အတွက် ဆောင်ရွက်နေခြင်း ဖြစ်ပါတယ်” ဟု ဦးသူရစောသိန်းက ပြောသည်။
.
ရှမ်းပြည်နယ် ပြည်သူလူထုစားနပ်ရိက္ခာ ထောက်ပံ့ရေးကော်မတီ၊ အထောက်အကူပြုပစ္စည်းများ စီမံခန့်ခွဲမှု ဆပ်ကော်မတီ (တောင်ကြီး) အနေဖြင့် ဧပြီလ ၇ ရက်က ကျောက်မဲမြို့တွင် လှူဒါန်းရန် အထောက်အကူပစ္စည်းများ ပို့ပေးထားပြီးဖြစ်ကာ ရွာငံ၊ ပင်းတယမြို့နယ်များတွင်လည်း သွားရောက်လှူးဒါန်းမည်ဖြစ်သည့်အပြင် ရှမ်းပြည်နယ်အတွင်းရှိ မြို့များတွင် ထပ်မံလှူဒါန်းပေးသွားရန် ရှိနေကြောင်း သိရသည်။
.
ထို့အပြင် အထောက်အကူပြုပစ္စည်းများ စီမံခန့်ခွဲမှုဆပ်ကော်မတီ(တောင်ကြီး)အနေဖြင့် ကမ္ဘောဇဘဏ်၏ ထောက်ပံ့မှုဖြင့် ကယားပြည်နယ်အား ကျန်းမာရေး အထောက်အကူပစ္စည်းများအား လှူဒါန်းသွားမည်ဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About