နောင်တရားရှိ ခေတ္တကျန်းမာရေးစောင့်ရှောက်မှုစင်တာသို့ ဒေါ်ခင်ကြည်ဖောင်ဒေးရှင်းမှ လာရောက်လှူဒါန်း

ခွန်အောင် (နောင်တရား)

.

ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ နောင်တရားမြို့ရှိ အထက ကျောင်းတွင် ဖွင့်လှစ်ထားသော ခေတ္တကျန်းမာရေးစောင့်ရှောက်မှုစင်တာ၌ လိုအပ်နေသည့် ကျန်းမာရေး အထောက် အကူပြု ပစ္စည်းများကို ဒေါ်ခင်ကြည်ဖောင်ဒေးရှင်းက ဧပြီလ ၂ ရက်တွင် လာရောက်လှူဒါန်းခဲ့သည်ဟု သိရသည်။

.

.

အဆိုပါ လှူဒါန်းသော ပစ္စည်းများမှာ Surgical Gown၊ Goggles၊ Mask၊ Sugrical Cap၊ လက်အိတ်များ၊ ရေမလို လက်သန့်ဆေးရည်များ၊ လက်ဆေးဆပ်ပြာရည်များ၊ အရက်ပျံများဖြစ်ပြီး လှူဒါန်းမှုစုစုပေါင်း တန်ဖိုး ၇၇၁၉၀ ကျပ် ဖြစ်ကြောင်း သိရသည်။

.

လှူဒါန်းမှုကို ဒေါ်ခင်ကြည်ဖောင်ဒေးရှင်းမှ ဦးစိုင်းမြင့်ဆွေနှင့် အဖွဲ့က ပေးအပ်လှူဒါန်းခဲ့ပြီး နောင်တရားမြို့ အုပ်ချုပ်ရေးမှူး ဦးစိုင်းချမ်းမြေ့ဝင်းက လက်ခံရယူခဲ့ကြောင်း သိရသည်။

.

နောင်တရားမြို့ရှိ အဆိုပါကျန်းမားရေးစောင့်ရှောက်မှုစင်တာတွင် ဧပြီလ ၁ ရက်အထိ Quarantine ၁၄ ရက် ကျန်းမာရေးစောင့်ရှောက်မှု ခံယူနေသူ ၄၆ ဦးရှိနေပြီး အားလုံးမှာ ကျန်းမာရေးကောင်းမွန် လျက်ရှိကြောင်းသိရသည်။

.