.
အမျိုးသားကျန်းမာရေးဓာတ်ခွဲမှုဆိုင်ရာဌာန
(ရန်ကုန်) သည် ယနေ့တွင် ရောဂါစောင့်ကြည့်လူနာနှင့် အသွားအလာ
ကန့်သတ်ခြင်း/ တားမြစ်ခြင်း ဆောင်ရွက် ထားရှိသူ စုစုပေါင်း ၁၀၂ ဦး၏ ဓာတ်ခွဲ နမူနာများအား
(ပထမအသုတ်) အနေဖြင့် စစ်ဆေးခဲ့ရာ ဓာတ်ခွဲ နမူနာအားလုံးတွင် COVID-19 ရောဂါပိုး မတွေ့ရှိကြောင်းကို ထုတ်ပြန်ချက်တွင်
ဖော်ပြထားသည်။
.
လက်ရှိ ဆေး ကုသမှု
ပေးနေသည့် အတည်ပြုလူနာ ၇၉ ဦးတို့ကို ရန်ကုန်မြို့၊ ဝေဘာဂီအထူးကုဆေးရုံ၌ ၆၈ ဦး၊
တီးတိန်ဆေးရုံ၌ ၄ ဦး၊ လားရှိုးဆေးရုံ၊ မော်လမြိုင်ဆေးရုံ၊ တောင်ကြီး စဝ်စံထွန်းဆေးရုံ၊
မကွေးဆေးရုံ၊ ကျိုင်းတုံဆေးရုံ ကလေးဆေးရုံ မန္တလေးမြို့ ကန်တော်နဒီဆေးရုံတို့၌ ၁
ဦးစီဖြင့် ဆေးကုသမှု ပေးနေလျက် ရှိပြီး လူနာများ၏ ကျန်းမာရေး အခြေအနေမှာ ကောင်းမွန်နေကြောင်း
သိရသည်။
.
ကမ္ဘာတစ်ဝှမ်းရှိ
နိုင်ငံနှင့် ဒေသအသီးသီးတွင် COVID-19 ရောဂါပိုး
အတည်ပြုဖြစ်ပွားသူ ၁၉၅၄၇၂၄ ဦး၊ သေဆုံးသူ ၁၂၆၁၄၀ ဦး ရှိကြောင်း
ကမ္ဘာ့ကျန်းမာရေးအဖွဲ့အစည်း (WHO)၏ ဧပြီလ ၁၆ ရက်၊ ညနေ ၃ နာရီ
ထုတ်ပြန်ချက်အရ သိရသည်။
