မိုင်းယောင်းတွင် ကပ်ရောဂါအန္တရာယ် ကင်းဝေးစေရေးအတွက် သဲပုံစေတီ၊ ပဋ္ဌာန်းနှင့် ပရိတ်တရားတော်များ ရွတ်ဖတ် ပူဇော် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, April 11, 2020

မိုင်းယောင်းတွင် ကပ်ရောဂါအန္တရာယ် ကင်းဝေးစေရေးအတွက် သဲပုံစေတီ၊ ပဋ္ဌာန်းနှင့် ပရိတ်တရားတော်များ ရွတ်ဖတ် ပူဇော်


စိုင်းအောင်ဇော်လင်း
.
ရှမ်းပြည်နယ်အရှေ့ပိုင်း တာချီလိတ်ခရိုင် မိုင်းယောင်းမြို့၊ ဝမ်မိုင်ကျေးရွာအနီးရှိ ဗောဓိရွှေညောင်ပင်တွင် ဧပြီလ ၁၀ ရက်က ကပ်ရောဂါအန္တရာယ်မှ ကင်းဝေးစေရေးအတွက် သဲပုံစေတီ၊ ပဋ္ဌာန်းနှင့် ပရိတ်တရားတော်များ ရွတ်ပွားပူဇော်ခဲ့ကြောင်း သိရသည်။
.

.
ယင်းသို့ ပူဇော်ရာတွင် ဗောဓိရွှေညောင်ပင်၊ ဗုဒ္ဓရုပ်ပွားတော်၊ သဲပုံစေတီအား ဆီမီး၊ ပန်း၊ ရေချမ်း၊ သစ်သီးများ ကပ်လှူ ပူဇော်ပြီး ငါးပါးသီလခံယူဆောက်တည်ကာ ဆရာတော်၊ သံဃာတော်များ ရွတ်ပွားသရဇ္ဈာယ်သည့် ပဋ္ဌာန်းနှင့် ပရိတ်တရားတော်များ၊ ဘုရားဂုဏ်တော်များကို နာယူကြည်ညိုခဲ့ကြကြောင်း သိရသည်။
.
ထို့နောက် ဧည့်ပရိတ်သတ်များက ဆရာတော်၊ သံဃာတော်များအား လှူဖွယ်ပစ္စည်းများ ဆက်ကပ်လှူဒါန်းကြပြီး လှူဒါန်းမှုအစုစုအတွက် ရေစက်သွန်းလောင်း အမျှပေးဝေကြသည်။
.
မိုင်းယောင်းမြို့နယ်တွင် ကပ်ရောဂါအန္တရာယ်မှ ကင်းဝေးစေရေးအတွက် မိမိတို့၏ အိမ်ရှေ့တွင် သဲပုံစေတီငယ်ကို အိမ်တိုင်းပြုလုပ်ပူဇော်ထားကြကြောင်း သိရသည်။
.

No comments:

Post a Comment

Journal Download

Photo of three cats

About