မိုင်းယောင်းဒေသထွက် မျှစ်ခါးများ အရသာကောင်းမွန်ခြင်းကြောင့် ဝယ်ယူသူများပြား

စိုင်းအောင်ဇော်လင်း

.

ရှမ်းပြည်နယ်အရှေ့ပိုင်း၊ တာချီလိတ်ခရိုင်၊ မိုင်းယောင်းမြို့နယ်အတွင်း ထွက်ရှိသည့် မျှစ်ခါးများသည် ယခုအချိန်တွင် လှိုင်လှိုင်ပေါ်ချိန်ဖြစ်ရာ အရသာကောင်းမွန်ခြင်းကြောင့် ဝယ်ယူသူများပြားသဖြင့် မျှစ်ခါးရှာဖွေရောင်းချသူများ ဝင်ငွေ အဆင်ပြေလျက်ရှိကြောင်း သိရသည်။

.

.

အဆိုပါ မျှစ်ခါးကို ဟင်းချိုရည်ချက်သောက်၍လည်းကောင်း၊ မီးဖုတ်/ပြုတ်၍ တို့စရာအဖြစ်လည်းကောင်း၊ အသားများ နှင့် ကြော်ချက်၍လည်းကောင်း အမျိုးမျိုး ချက်ပြုတ်စားသောက်နိုင်ကြောင်း သိရသည်။

.

မိုင်းယောင်းမြို့နယ်အတွင်း နှစ်စဉ် မိုးဦးလေဦး တစ်ကြိမ်နှစ်ကြိမ် ကျရောက်ပြီးချိန်၌ တောတောင်လျှိုများအတွင်း မျှစ်ခါးများ ထွက်ပေါ်တတ်လေ့ရှိပြီး မျှစ်ခါး ၅ ချောင်းပါ တစ်စည်းလျှင် ကျပ် ၁၀၀၀ ဖြင့် ရောင်းချရကြောင်း သိရသည်။

.

မိုင်းယောင်းမျှစ်ခါးသည် အရသာကောင်းမွန်သဖြင့် ဒေသတွင်းလူကြိုက်များကာ မိုင်းဖြတ်၊ ကျိုင်းတုံ၊ တာချီလိတ်မြို့ များသို့ တစ်ဆင့်ဝယ်ယူရောင်းချသူများလည်းရှိကြောင်း သိရသည်။

.