စိုင်းသိင်္ခသူ
.
ရှမ်းပြည်နယ်အရှေ့ပိုင်း၊
မိုင်းဆတ်မြို့နယ်၌ ဧပြီလ ၂၃ ရက်၊ ညနေ ၃ နာရီခွဲခန့်က လေပြင်း တိုက်ခတ်မှုကြောင့်
နေအိမ် ၁၄ လုံး နှင့် အဆောက်အဦ အချို့ ပျက်ဆီးခဲ့ရကြောင်း သိရသည်။
.
အဆိုပါ
လေပြင်းတိုက်ခတ်မှုကြောင့် မိုင်းဆတ်မြို့နယ်အတွင်းရှိ မယ်ပုလုံကျေးရွာအုပ်စု၊ မယ်ကျန်း ကျေးရွာရှိ နေအိမ် ၁၁ လုံး၊ မအို့ကျေးရွာအုပ်စု၊
ဝမ်ပုံကျေးရွာရှိ နေအိမ် ၁ လုံး၊ ဆန်ကန်ကျေးရွာအုပ်စု၊ ဟိုဟွေ့ကျေးရွာရှိ နေအိမ် ၂
လုံး၊ စုစုပေါင်း နေအိမ် ၁၄ လုံးနှင့် ဟိုဟွေ့ကျေးရွာရှိ လားဟူစာပေနှင့် ယဉ်ကျေးမှု
ခန်းမဆောင်တို့ ပျက်စီးခဲ့ရခြင်း ဖြစ်ကြောင်း သိရသည်။
.
လေပြင်း
တိုက်ခတ်မှုကြောင့် နေအိမ်နှင့် အဆောက်အဦများ ပျက်ဆီးခဲ့ရသော်လည်း လူနှင့် တိရစ္ဆာန်များ
ထိခိုက်ခြင်း မရှိဘဲ လေဘေးသင့် ပြည်သူ ၆၁ ဦးအား နီးစပ်ရာ ဆွေမျိုးများ၏ နေအိမ်တွင်
ခေတ္တ နေရာ ချထားပေးကြောင်း သိရသည်။
.
