ကလော-ပင်လောင်းသွားလမ်းတွင် စိတ်ကြွရူးသွပ်ဆေးပြားများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, April 27, 2020

ကလော-ပင်လောင်းသွားလမ်းတွင် စိတ်ကြွရူးသွပ်ဆေးပြားများ ဖမ်းမိ


ကမ္ဘောဇတိုင်း
.
ရှမ်းပြည်နယ်တောင်ပိုင်း၊ ကလောမြို့နယ်၊ နန်းတိုင်းကျေးရွာအုပ်စု၊ ဘော်နင်းကုန်းကျေးရွာ၊ ကလော-ပင်လောင်းသွား ကားလမ်းပေါ်တွင် ဧပြီလ ၂၆ ရက်၊ ညနေပိုင်းက စိတ်ကြွရူးသွပ်ဆေးပြား ၆၀၀၀ အား သယ်ဆောင်လာသူ ၂ ဦးနှင့် အတူ ဖမ်းဆီးရမိခဲ့ကြောင်း သိရသည်။
.
.
မူးယစ်တပ်ဖွဲ့စု (၂၅) တောင်ကြီးမှ တပ်ဖွဲ့ဝင်များသည် ကလောမြို့မရဲစခန်းမှ နယ်ထိန်း ခေါင်းဆောင် ရဲအုပ်ဆန်းလွင် ဦးစီးသော တပ်ဖွဲ့ဝင်များ၊ သက်သေများနှင့်အတူ ဧပြီလ ၂၆ ရက်၊ ညနေ ၆ နာရီခွဲခန့်က ကလောမြို့နယ်၊ နန်းတိုင်းကျေးရွာအုပ်စု၊ ဘော်နင်းကုန်းကျေးရွာ၊ ကလော-ပင်လောင်းသွား ကားလမ်း၊ မိုင်တိုင်အမှတ် (၁၂/၂) နှင့် (၁၂/၃) အကြားတွင် မူးယစ်ဆေးဝါးသတင်းအရ စောင့်ဆိုင်းရှာဖွေမှုများ ပြလုပ်နေစဉ် ပင်လောင်းဘက်မှ ကလောဘက်သို့ သန့်ဇင်ထွန်း (ခ) ဖိုးသား မောင်းနှင်ပြီး နောက်တွင် မပန်းစိန် လိုက်ပါစီးနင်းလာသည့် MOCIN-110 အမျိုးအစား နက်/ပြာရောင်ဆိုင်ကယ်အား ရပ်တန့်စစ်ဆေးရာ မပန်းစိန် ကိုင်ဆောင်ထားသော လက်ဆွဲအိတ်အတွင်း ပလတ်စတစ်ကပ်ခွာအိတ်များဖြင့် ထည့်ထားသည့် WY စာတမ်းပါ စိတ်ကြွရူးသွပ်ဆေးပြား ၂၀၀ ပြားပါ အထုပ် ၃၀၊ စုစုပေါင်းဆေးပြား ၆၀၀၀ ပြား၊ ဒေသကာလတန်ဖိုး ကျပ်သိန်း ၆၀ အား ရှာဖွေတွေ့ရှိ ဖမ်းဆီးရမိခဲ့ခြင်းဖြစ်ကြောင်း သိရသည်။
.
ဆက်လက်ပြီး မပန်းစိန်အား စစ်ဆေးမေးမြန်းချက်များအရ အဆိုပါ မူးယစ်ဆေးဝါးများကို ပင်လောင်းမြို့နယ်၊ ထီးဝါးလေး ကျေးရွာနေ မောင်တူးတူး ထံမှ ငွေကျပ် ၁၂ သိန်းဖြင့် ဝယ်ယူခဲ့ခြင်းဖြစ်ကြောင်း သိရသည်။
.
အဆိုပါ စိတ်ကြွရူးသွပ်ဆေးပြားများ ဖမ်းဆီးရမိမှုနှင့် ပတ်သက်၍ သယ်ဆောင်လာသူ ပင်လောင်းမြို့၊ ဈေးတန်း ရပ်ကွက်နေ မပန်းစိန် (၅၃ နှစ်) နှင့် ကလောမြို့နယ်၊ မကွေကျေးရွာနေ သန့်ဇင်ထွန်း (ခ) ဖိုးသား (၂၆ နှစ်) တို့အား ကလောမြို့မရဲစခန်းတွင် မယ (ပ) ၁၄/၂၀၂၀၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေ ပုဒ်မ ၁၉(က)/၂၁ ဖြင့် အမှုဖွင့်စစ်ဆေး ဆောင်ရွက်လျက်ရှိပြီး ကွင်းဆက်များးအား စုံစမ်းဖော်ထုတ်လျက်ရှိကြောင်း သိရသည်။
.

No comments:

Post a Comment

Journal Download

Photo of three cats

About