နန်းဝင်းရီ
.
ရှမ်းပြည်နယ်တောင်ပိုင်း၊
ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ တောင်ရပ်ကွက်တွင် ယနေ့ ဧပြီလ
၂၃ ရက် နံနက်ပိုင်းက အမျိုးသားတစ်ဦး ကြိုးဆွဲချ သေဆုံးမှု ဖြစ်ပွားခဲ့ကြောင်း
သိရသည်။
.
.
သေဆုံးသူမှာ ခွန်လင်းထက်ခေါင် (၂၁
နှစ်)ဆိုသူဖြစ်ပြီး ၎င်းနေအိမ်၏ မီးဖိုချောင်အတွင်းရှိ ထုပ်တန်းတွင် အစိမ်းရောင်
နိုင်လွန်ကြိုးအား နှစ်ပင်ပူး၍ ကွင်းပြုလုပ်ကာ ကြိုးဆွဲချသေဆုံးခဲ့ခြင်းဖြစ်ကာ ပြင်ပဒဏ်ရာ
မတွေ့ရှိရကြောင်း သိရသည်။
သေဆုံးသူအလောင်းအား ဟိုပုံးမြို့
ပြည်သူ့ဆေးရုံသို့ လွှဲပြောင်းပေးပို့ခဲ့ပြီး ခွန်လင်းထက်ခေါင် သေဆုံးမှုနှင့်
ပတ်သက်၍ ဓမ္မတာအတိုင်းသေဆုံးခြင်း ဟုတ်/မဟုတ် သိရှိနိုင်ရန် ဟိုပုံးမြို့မရဲစခန်းတွင်
သေမှုသေခင်း ဖွင့်လှစ် စစ်ဆေး ဆောင်ရွက်လျက်ရှိကြောင်း သိရသည်။
.
အဆိုပါကိစ္စနှင့် ပတ်သက်၍ ဟိုပုံးမြို့မရဲစခန်းသို့
ကမ္ဘောဇတိုင်းမှ ဆက်သွယ်မေးမြန်းရာတွင် ပြန်လည်ဖြေကြားခြင်း မရှိခဲ့ချေ။
.
