ရန်ကုန်မှ ဟဲဟိုးလေဆိပ်သို့ လေကြောင်းခရီးဖြင့် ရောက်ရှိလာသူများအား Quarantine ထားရှိရန် အကြံပြုထား - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, April 20, 2020

ရန်ကုန်မှ ဟဲဟိုးလေဆိပ်သို့ လေကြောင်းခရီးဖြင့် ရောက်ရှိလာသူများအား Quarantine ထားရှိရန် အကြံပြုထား


ကိုစိုး (ကမ္ဘောဇတိုင်း)
.
ရန်ကုန်မြို့မှ ရန်ကုန်-မန္တလေး-ဟဲဟိုး ခရီးစဉ်အတိုင်း လေကြောင်းခရီးဖြင့် ဟဲဟိုးမြို့သို့ ရောက်ရှိလာသူများကို ဟဲဟိုး မြို့တွင် Quarantine ထားရှိရန် အကြံပြုထားကြောင်း ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းထံက သိရသည်။
.
.
“ရန်ကုန်က လာတဲ့သူတွေကို Quarantine ထားသင့်တယ်လို့ ပြောထားပါတယ်။ မန္တလေးကတော့ Case လည်း သိပ်မရှိတော့ ပြဿနာမရှိပါဘူး။ ရန်ကုန်က ၉၀ ကျော် ရှိနေပါပြီ” ဟု ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေး ဝန်ကြီး ဒေါက်တာမျိုးထွန်းက ပြောသည်။
.
ယမန်နေ့ ဧပြီလ ၁၉ ရက်က Air KBZ လေကြောင်းလိုင်း ရန်ကုန်-မန္တလေး-ဟဲဟိုးခရီးစဉ်ဖြင့် ဟဲဟိုးလေဆိပ်သို့ ရောက်ရှိလာသူများမှာ ရန်ကုန်-ဟဲဟိုးခရီးသည် ကျား ၈ ဦး၊ မ ၄ ဦး၊ ပေါင်း ၁၂ ဦး၊ မန္တလေး-ဟဲဟိုးခရီးသည် ကျား ၁ ဦး၊ မ ၄ ဦး၊ ပေါင်း ၅ ဦး၊ တာချီလိတ်-ဟဲဟိုးခရီးသည် ကျား ၁ ဦး၊ မ ၁ ဦး၊ ပေါင်း ၂ ဦး၊ စုစုပေါင်း ဟဲဟိုးလေဆိပ်သို့ ဝင်ရောက်လာသည့်ခရီးသည် ၁၉ ဦးဖြစ်ပြီး ၎င်းတို့အနက် ရန်ကုန်-ဟဲဟိုး ခရီးသည်များကို Quarantine ထားရှိရန် ပြည်နယ်ဝန်ကြီးမှ အကြံပြုခဲ့ခြင်းဖြစ်သည်ဟု သိရသည်။
.
ထို့အတူ ရှမ်းပြည်နယ်မြောက်ပိုင်း၊ လားရှိုးလေဆိပ်သို့ ဧပြီလ ၁၉ ရက်က ဝင်ရောက်လာသည့် Air KBZ လေယာဉ်ပေါ်မှ ခရီးသည်များအား Facility Quarantine ၂၁ ရက်နေထိုင်ရန် လားရှိုးမြို့၊ သာသနာ ၂၅၀၀ ဘုရားအနီး မိုးကုတ်ဝိပဿနာတရားစခန်းရှိ Facility Quarantine Center သို့ ပို့ဆောင်၍ စောင့်ကြပ်ကြည့်ရှုလျက်ရှိကြောင်း သိရသည်။
.
မြန်မာနိုင်ငံတစ်ဝှမ်းတွင် ယနေ့ ဧပြီလ ၂၀ ရက်အထိ COVID-19 ရောဂါပိုး အတည်ပြုတွေ့ရှိသူလူနာ ၁၁၁ ဦးအထိ ရှိလာနေပြီဖြစ်ပြီး ၎င်းတို့အနက် ၅ ဦး သေဆုံး၍ ၇ ဦးမှာ ပြန်လည်သက်သာလာပြီဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About