ကျိုင်းတုံမြို့တွင် အမှိုက်ပုံကို သိမ်းဆည်း၍ စွန့်ပစ်စဉ် သေနတ်တစ်လက် တွေ့ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, April 25, 2020

ကျိုင်းတုံမြို့တွင် အမှိုက်ပုံကို သိမ်းဆည်း၍ စွန့်ပစ်စဉ် သေနတ်တစ်လက် တွေ့ရှိ


ထက်တိုင်းကျော်
.
ရှမ်းပြည်နယ် အရှေ့ပိုင်း၊ ကျိုင်းတုံမြို့ ဒမောဒယဘုန်းကြီးကျောင်းအနီး ပန်မန်ရွာလမ်းဘေးရှိ အမှိုက်များကို စိန်ရေကန်အမှိုက်နှင့် မိလ္လာသိမ်းဆည်းရေး ဝန်ဆောင်မှု ကုမ္ပဏီက သိမ်းဆည်းပြီးနောက် ဧပြီလ ၂၅ ရက်တွင် သတ်မှတ်ထားသည့် နေရာ၌ အမှိုက်များကို သွန်ချ စွန့်ပစ်စဉ် သေနတ် တစ်လက်ကို တွေ့ရှိခဲ့ကြောင်း သိရသည်။
.
“ အမှိုက်သိမ်းကား အမှတ်(၃) ယာဉ်မောင်းက အမှိုက်ပစ်တဲ့ နေရာမှာ ကားပေါ်က အမှိုက်တွေကို သွန်ချ လိုက်တော့ အဲဒီ သေနတ်ကို တွေ့လို့ ရဲစခန်းမှာ သွားအပ်ခဲ့တယ်ဆိုတာ မှန်ပါတယ်” ဟု စိန်ရေကန် ပုဂ္ဂလိကအမှိုက်နှင့် မိလ္လာသိမ်းဆည်းရေး ကုမ္ပဏီမှ ဒေါ်လှဆန်းနွယ်က ကမ္ဘောဇတိုင်းသို့ ပြောသည်။
.

ထို့အတူ ကျိုင်းတုံမြို့မရဲစခန်းမှ စခန်းမှူး ဒုရဲမှူး တင်မောင်ဆွေကလည်း “ သေနတ် တစ်လက်တွေ့တာ ဟုတ်ပါတယ်။အ ထက်ဌာန အဆင့်ဆင့်ကို တင်ပြထားပါတယ်"ဟု အတည်ပြုခဲ့သည်။
.
ကျိုင်းတုံမြို့ ပုဂ္ဂလိက စိန်ရေကန်အမှိုက်နှင့် မိလ္လာသိမ်းဆည်းရေး ဝန်ဆောင်မှု ကုမ္ပဏီ အမှိုက်သိမ်းယာဉ်မှ ဝန်ထမ်း တစ်ဦးသည် အမှိုက်များကို စွန့်ပစ်စဉ် ကတ်ထူပုံး အတွင်းမှ COLT COMMANDO 38 Special ခြောက်လုံးပြူး သေနတ် ထွက်ကျလာသည်ကို တွေ့ရှိရသဖြင့် ကျိုင်းတုံမြို့မရဲစခန်းသို့ အပ်နှံခဲ့ခြင်း ဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About