မောင်မောင်သန်း (တောင်ကြီး)
.
ရှမ်းပြည်နယ်အစိုးရအဖွဲ့
ပြည်နယ်ဝန်ကြီးချုပ် ဒေါက်တာလင်းထွဋ်နှင့် ပြည်နယ်ဝန်ကြီးများ၊ တာဝန်ရှိသူများသည်
ဧပြီလ ၁၃ ရက်၊ နံနက်ပိုင်းက ရှမ်းပြည်နယ်မြောက်ပိုင်းရှိ ကျန်းမာရေးဌာနများသို့ သွားရောက်၍
COVID-19 ကပ်ရောဂါ ကာကွယ်ရေးအတွက် ကျန်းမာရေး ထောက်ပံ့ပစ္စည်းများ ပေးအပ်ခဲ့ကြောင်း
သိရသည်။
.
.
ထိုသို့
ထောက်ပံ့ပေးအပ်ရာတွင် ဦးစွာ နောင်ချိုမြို့နယ်တောင်ရှည်တိုက်နယ်ဆေးရုံအတွက် Mask၊ Hand Gel၊ PPE ဝတ်စုံ လက်သန့်ဆေးရည်နှင့် တာဝန်ကျဆရာမများ လိုအပ်သည့်နေရာများတွင်
အသုံးပြုနိုင်ရန် ငွေကျပ် ၅ သိန်း၊ ကံကြီး ကျေးလက်ကျန်းမာရေး ဌာနတွင် Mask နှင့် ငွေကျပ် ၃ သိန်း၊ နောင်ချိုပြည်သူ့ဆေးရုံတွင် Mask နှင့် ငွေကျပ် ၅ သိန်း၊ ကျောက်မဲမြို့နယ်ရှိ နောင်ပိန်တိုက်နယ်ဆေးရုံတွင် COVID-19 ရောဂါကာကွယ်ရေးအတွက် PPE ဝတ်စုံ၊ Mask၊ Hand Gel လက်သန့်ဆေးရည် နှင့်ငွေကျပ် ၅ သိန်း၊
ကျောက်မဲမြို့၊ မြို့နယ်ခန်းမတွင် ရှမ်းပြည်နယ်ပြည်သူလူထု စားနပ်ရိက္ခာထောက်ပံ့ရေးကော်မတီ
(ကမ္ဘောဇဘဏ်)မှ ကျောက်မဲမြို့အတွက် ဆန်အိတ် ၅၀၀ တို့ကို ရှမ်းပြည်နယ်
အစိုးရအဖွဲ့ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်လမ်းပန်းဆက်သွယ်ရေးဝန်ကြီး
ဦးခွန်ရဲထွေး ပြည်နယ်လူမှုရေး ဝန်ကြီးဒေါက်တာမျိုးထွန်းတို့မှ ပေးအပ်ရာ
တာဝန်ရှိသူများကအသီးသီးလက်ခံရယူခဲ့ကြကြောင်း သိရသည်။
ထို့နောက်
ရှမ်းပြည်နယ်ဝန်ကြီးချုပ်နှင့် ပြည်နယ်ဝန်ကြီးများ တာဝန်ရှိသူများသည် ကျောက်မဲပြည်သူ့ဆေးရုံသို့
သွားရောက်ကြည့်ရှုပြီး၊ ရှမ်းပြည်နယ်အစိုးရအဖွဲ့မှ
ရွေ့လျားဓါတ်မှန်စက်ဝယ်ယူရန်အတွက် ငွေကျပ်သိန်း ၁၄၀ ကို ပြည်နယ်လမ်းပန်းဆက်သွယ်ရေးဝန်ကြီးမှပေးအပ်ရာ
မြို့နယ်ဆေးရုံအုပ်ကလက်ခံရယူပြီး ပြည်နယ်ဝန်ကြီးချုပ်၊
ပြည်နယ်ဝန်ကြီးများနှင့်တာဝန်ရှိသူများမှ ကျောက်မဲမြို့နယ်၊
လွယ်ခေါ့ကျေးလက်ကျန်းမာရေးဌာနတွင် COVID-19
ရောဂါကာကွယ်ရေးအတွက် PPE ဝတ်စုံ၊ Mask၊ Hand Gel၊ လက်သန့်ဆေးရည်တို့ကို ထောက်ပံ့ပေးအပ်ရာ
တာဝန်ရှိသူတစ်ဦးမှလက်ခံရယူခဲ့သည်။
.
ဆက်လက်ပြီး
ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများနှင့် တာဝန်ရှိသူများ
သီပေါမြို့နယ်၊ ဘော်ကြိုကျေးလက်ကျန်းမာရေးဌာနသို့ သွားရောက်ပြီး COVID-19 ရောဂါကာကွယ်ရေးအတွက်
PPE ဝတ်စုံ၊ Hand Gel၊ လက်သန့်ဆေးရည်၊ Mask
နှင့် ရှမ်းပြည်နယ်အစိုးရအဖွဲ့မှ ငွေကျပ် ၃ သိန်း တို့ကို
ထောက်ပံ့ပေးအပ်ရာ တာဝန်ကျဆရာမကလက်ခံရယူပြီး သီပေါမြို့နယ်ကျန်းမာရေးဦးစီးဌာနတွင် COVID-19 ရောဂါကာကွယ်ရေး အတွက် PPE ဝတ်စုံ၊ Mask၊ Hand Gel၊ လက်သန့်ဆေးရည်၊ ပိုးသတ်ဖြန်းဆေး၊
လည်ရှည်ဖိနပ်နှင့် ရှမ်းပြည်နယ်အစိုးရအဖွဲ့မှ ထောက်ပံ့ငွေကျပ် ၅ သိန်းတို့
ကိုထောက်ပံ့ပေးအပ်ခဲ့ကြောင်းသိရသည်။
.
