.
ရှမ်းပြည်နယ်(တောင်ပိုင်း)၊ တောင်ကြီးမြို့နယ်၊ ကျောက်တလုံးကြီးမြို့၊ နောင်ခဲကျေးရွာအုပ်စု၊ နောင်ခဲအလယ်ရွာ၌ ဧပြီလ ၂၃ ရက်၊ နံနက် ၉ နာရီကျော်ခန့်တွင်
လျှပ်စစ်ဒယ်အိုး အပူ လွန်ကဲရာမှ မီးလောင်ခဲ့သဖြင့်
နေအိမ်တစ်လုံး
ပျက်စီးဆုံးရှုံးခဲ့ရကြောင်း သိရသည်။
.
နောင်ခဲအလယ်ရွာရှိ
နန်းရွဉ်၏ သွပ်မိုး၊ ဝါးထံရံကာ၊ ဝါးကြမ်းခင်း၊ ခြေတံရှည်နေအိမ်တွင်
မီးလောင်ကျွမ်းခဲ့ခြင်း ဖြစ်ပြီး မီးလောင်ကျွမ်းရာ နေအိမ်အား မီးသတ်တပ်ဖွဲ့ဝင်များ၊
ကြက်ခြေနီ တပ်ဖွဲ့ဝင်များ၊ ဒေသခံပြည်သူများ၊ ဌာနဆိုင်ရာ တာဝန်ရှိသူများက ဝိုင်းဝန်း
ငြိမ်းသတ်ခဲ့ရာ
နံနက် ၁၀ နာရီကျော်ခန့်တွင်
မီး ငြိမ်းသတ်နိုင်ခဲ့သော်လည်း နေအိမ်မှာ မီးလောင် ပျက်ဆီးခဲ့ရကြောင်း သိရသည်။
.
မီးလောင်မှုကြောင့်
နေအိမ် ပျက်စီးဆုံးရှုံးခဲ့ရသော်လည်း လူနှင့် တိရစ္ဆာန်များ ထိခိုက် သေဆုံးမှု မရှိဘဲ မီးဘေးသင့် မိသားစုအား ကျောက်တလုံးကြီးမြို့ မြို့အုပ်ချုပ်ရေးမှူး ဦးစောချမ်းက ဆန် ၆ ပြည် ထောက်ပံ့ ပေးခဲ့ကြောင်း သိရသည်။
.
အဆိုပါ မီးလောင်မှု ဖြစ်ပေါ်စေသော နေအိမ်ပိုင်ရှင် နန်းရွဉ်အား ကျောက်တလုံးကြီး နယ်မြေရဲစခန်းမှ (ပ)
၆/၂၀၂၀၊ ရာဇသတ်ကြီးပုဒ်မ ၂၈၅ ဖြင့် အမှုဖွင့် အရေးယူထားကြောင်း သိရသည်။
.
