အခြေခံပညာအဆင့် ကျောင်းစစ်နှင့် အစိုးရစစ်စာမေးပွဲ အောင်စာရင်း ထုတ်ပြန်မည့်ရက် မသိရှိရသေး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, April 17, 2020

အခြေခံပညာအဆင့် ကျောင်းစစ်နှင့် အစိုးရစစ်စာမေးပွဲ အောင်စာရင်း ထုတ်ပြန်မည့်ရက် မသိရှိရသေး


ကိုစိုး (ကမ္ဘောဇတိုင်း)
.
အခြေခံပညာအဆင့် မူလတန်း၊ အလယ်တန်းနှင့် အထက်တန်း ကျောင်းစစ်နှင့် အစိုးရစစ်စာမေးပွဲ အောင်စာရင်း ထုတ်ပြန်မည့်ရက်ကို လတ်တလောတွင် မသိရှိသေးကြောင်း ရှမ်းပြည်နယ်ပညာရေး ညွှန်ကြားရေးမှူး ဦးဝင်းမောင် ထံက သိရသည်။
.

.
“အောင်စာရင်းထွက်မယ့်ရက် မသိသေးပါဘူး။ အားလုံး ရွှေ့ပြောင်းထားပါတယ်။ သိရင် ထုတ်ပြန်ပေးသွားမှာပါ” ဟု ရှမ်းပြည်နယ်ပညာရေး ညွှန်ကြားရေးမှူး ဦးဝင်းမောင်က ကမ္ဘောဇတိုင်းသို့ ပြောသည်။
.
ထို့အတူ တောင်ကြီးမြို့နေ အထက်တန်းပြ ကျောင်းဆရာမတစ်ဦးကလည်း “အောင်စာရင်းထွက်မယ့်ရက်က မသိသေး ပါဘူး။ ဧပြီ ၂၆ ရက်မှာ မထုတ်ဖြစ်ဘူး ဆိုတာတော့ သိတယ်။ ထပ်ကြေညာမယ်လို့တော့ ပြောပါတယ်” ဟု ပြောဆိုခဲ့သည်။
.
အဆိုပါ အခြေခံပညာအတန်းများ၏ အောင်စာရင်းများကို ယခင်နှစ်များက မဟာသင်္ကြန်ကာလအပြီး ဧပြီလတတိယ ပတ်အတွင်း ထုတ်ပြန်လေ့ရှိသော်လည်း ယခုနှစ်တွင် ကမ္ဘာတစ်ဝှမ်း ဖြစ်ပွားလျက်ရှိသည့် COVID-19 ကပ်ရောဂါ ကူးစက်မှုမှ ကာကွယ်နိုင်ရေးအတွက် တတ်နိုင်သမျှ လူစုလူဝေး မပြုလုပ်ရန် လိုအပ်သဖြင့် ယင်းကဲ့သို့ အောင်စာရင်း များကို မထုတ်ပြန်ခြင်း ဖြစ်နိုင်ကြောင်း ဒေသခံများက ပြောဆိုလျက်ရှိသည်။
.
အခြေခံပညာအဆင့် ကျောင်းစစ် KGGrade 1Grade 2Grade 3Grade 6 Grade 7Grade 8Grade 10 စာမေးပွဲများကို ပြီးခဲ့သည့် မတ်လ ၄ ရက်မှ ၁၀ ရက်အတွင်းက လည်းကောင်း၊ အစိုးရစစ် Grade 5 နှင့် Grade 9 တန်း စာမေးပွဲများကို ဖေဖော်ဝါရီလ ၂၄ ရက်မှ မတ်လ ၃ ရက်အတွင်းကလည်းကောင်း စစ်ဆေးခဲ့ခြင်းဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About