.
အထက်ပါ စောင့်ကြည့်နှင့်
သံသယလူနာများအနက် အများစုမှာ ကျန်းမာရေး ကောင်းမွန်သည့်အပြင် သတ်မှတ် စောင့်ကြည့်ရက်
ပြည့်မြောက်ပြီ ဖြစ်၍ ဆေးရုံဆင်းခွင့် ရရှိသူများ ဖြစ်သော်လည်း ဆေးရုံးဆင်းခွင့်
ရရှိသည့် လူနာများနှင့် ပတ်သက်သော အချက်အလက်များအား ကျန်းမာရေးနှင့်
အားကစားဝန်ကြီးဌာနက ထုတ်ပြန်ထားခြင်း မရှိချေ။
.
ရှမ်းပြည်နယ်အတွင်း၌
COVID-19 နှင့် ပတ်သက်၍ ဆေးရုံ တက်ရောက် ကုသနေဆဲ လူနာ အရေအတွက်မှာ ဧပြီလ
၄ ရက်ထိ ၇၀ ဦး ရှိကြောင်း ရှမ်းပြည်နယ်အစိုးရအဖွဲ့ထံမှ သိရသည်။
.
မြန်မာ တစ်နိုင်ငံလုံး
အတိုင်းအတာဖြင့် စောင့်ကြည့်လူနာ ၇၄၆ ဦး၊ သံသယလူနာ ၂ ဦး၊ စုစုပေါင်း လူနာ ၇၄၈ ဦး
ရှိပြီး ပိုးတွေ့(တွေ့ရှိ)
လူနာ ၂၁ ဦး၊ ပိုးတွေ့သေဆုံးလူနာ
၁ ဦး၊ ပိုးမတွေ့လူနာ ၆၁၆ ဦး၊ ဓါတ်ခွဲ အဖြေစောင့်ဆိုင်းဆဲလူနာ ၁၁၁ ဦး ရှိကာ
ယင်းတို့အား သက်ဆိုင်ရာ ဆေးရုံများတွင် စောင့်ကြပ်ကြည့်ရှု ကုသမှု ပေးလျက်
ရှိကြောင်း သိရသည်။
.
COVID-19 အတည်ပြုလူနာများအနက်
လူနာအမှတ် ၁၄ အား ရှမ်းပြည်နယ်မြောက်ပိုင်း၊ လားရှိုး ဆေးရုံတွင် သီးခြားထားရှိ၍ ကြပ်မတ်
ကုသမှု ပေးနေလျက်ကာ လက်ရှိ ဧပြီလ ၄ ရက်၊ ညပိုင်းထိ ကျန်းမာရေး ကောင်းမွန်နေလျက် ရှိကြောင်း
သိရသည်။
.
