COVID-19 ပိုးတွေ့လူနာအသစ် ၂ ဦး ထပ်မံတွေ့ရှိကြောင်း ကျန်းမာရေးနှင့် အားကစားဝန်ကြီးဌာန ထုတ်ပြန် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, April 26, 2020

COVID-19 ပိုးတွေ့လူနာအသစ် ၂ ဦး ထပ်မံတွေ့ရှိကြောင်း ကျန်းမာရေးနှင့် အားကစားဝန်ကြီးဌာန ထုတ်ပြန်


မော်မော်
.
COVID-19 ပိုးတွေ့လူနာအသစ် ၂ ဦး ထပ်မံတွေ့ရှိကြောင်း ကျန်းမာရေးနှင့် အားကစားဝန်ကြီးဌာနက ယနေ့ ဧပြီလ ၂၆ ရက်၊ နံနက် ၇ နာရီအချိန်တွင် ထုတ်ပြန်ကြေညာခဲ့သည်ဟု သိရသည်။
.
.
အမျိုးသားကျန်းမာရေးဓါတ်ခွဲမှုဆိုင်ရာဌာန (ရန်ကုန်) မှ ဒုတိယအသုတ်+တတိယအသုတ်) နှင့် ဆေးသုတေသနဦးစီး ဌာနမှ ဒုတိယအသုတ် ဓါတ်ခွဲစစ်ဆေးခဲ့သော ဓါတ်ခွဲအဖြေများအနက် လူနာအသစ် ၂ ဦး ထပ်မံတွေ့ရှိခြင်းဖြစ်ပြီး မြန်မာနိုင်ငံတွင် ယနေ့ ဧပြီလ ၂၆ ရက်၊ နံနက်ပိုင်းအထိ ဓါတ်ခွဲအတည်ပြုလူနာ ၁၄၆ ဦး အထိ ရှိလာပြီဖြစ်ကြောင်း သိရသည်။
.
ယမန်နေ့ ဧပြီလ ၂၅ ရက်က အမျိုးသားဓါတ်ခွဲမှုဆိုင်ရာဌာန (ရန်ကုန်) မှ ဓါတ်ခွဲနမူနာ ၃၇၂ ခုအား ၃ သုတ် ခွဲ၍လည်း ကောင်း၊ ဆေးသုတေသနဦးစီးဌာနမှ ဓါတ်ခွဲနမူနာ ၅၄ ခုအား ၂ သုတ် ခွဲ၍လည်းကောင်း စစ်ဆေးခဲ့ခြင်းဖြစ်ကြောင်း သိရသည်။
.
အဆိုပါ ပိုးတွေ့လူနာအသစ် ၂ ဦးမှာ စစ်ကိုင်းတိုင်းဒေသကြီး၊ စစ်ကိုင်းမြို့မှ အသက် ၄၈ နှစ်အရွယ် အမျိုးသားနှင့် ရန်ကုန်တိုင်းဒေသကြီး၊ ကမာရွတ်မြို့နယ်မှ အသက် ၃၂ နှစ်အရွယ် အမျိုးသားတို့ဖြစ်ပြီး ၎င်းတို့အား သက်ဆိုင်ရာ ဆေးရုံများသို့ လွှဲပြောင်းကုသမှုပေးသွားမည်ဖြစ်ကြောင်း သိရသည်။
.
မြန်မာနိုင်ငံတွင် မတ်လ ၂၃ ရက်မှ ယနေ့ (ဧပြီလ ၂၆  ရက်) နံနက် ၇ နာရီထိ COVID-19 အတည်ပြုလူနာ ၁၄၆ ဦး ရှိပြီ ဖြစ်ကာ၊ ယင်းအနက် ၅ ဦး သေဆုံး၍ ၁၀ ဦးမှာ ပြန်လည် သက်သာလာပြီ ဖြစ်ကြောင်းနှင့် ရှမ်းပြည်နယ်တွင်မူ COVID-19 အတည်ပြုလူနာ ၇ ဦး ရှိကြောင်း သိရသည်။
.

No comments:

Post a Comment

Journal Download

Photo of three cats

About