စဝ်စံထွန်းဆေးရုံမှ လူနာအမှတ်(၂၉)နှင့် ထိတွေ့သူများတွင် ပိုး မတွေ့ရ၊ (၆၄)နှင့် ဆက်စပ်သူများကို Quarantine ပြုလုပ်ထား - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, April 15, 2020

စဝ်စံထွန်းဆေးရုံမှ လူနာအမှတ်(၂၉)နှင့် ထိတွေ့သူများတွင် ပိုး မတွေ့ရ၊ (၆၄)နှင့် ဆက်စပ်သူများကို Quarantine ပြုလုပ်ထား


စိုင်းသိင်္ခသူ
.
တောင်ကြီးမြို့၊ စဝ်စံထွန်းဆေးရုံတွင် ဆေးကုသမှု ခံယူနေသည့် COVID-19 အတည်ပြု လူနာအမှတ်(၂၉)နှင့် ထိတွေ့သူများတွင် ပိုး တွေ့ရှိရခြင်း မရှိကြောင်းနှင့် မိုင်းဖြတ်မှ လူနာအမှတ်(၆၄)နှင့် ဆက်စပ်သူများကိုလည်း လိုအပ်သည့် ကျန်းမာရေး လမ်းညွှန်ချက်များ အတိုင်း Quarantine များ လုပ်ဆောင်ထားရှိကြောင်း ရှမ်းပြည်နယ်အစိုးရအဖွဲ့ဝင် လူမှုရေးဝန်ကြီး ဒေါက်တာ မျိုးထွန်းထံမှ သိရသည်။
.
“ Case- 64 နဲ့အတူ ရန်ကုန်ကနေ ဟဲဟိုးကို လေယာဉ်တစ်စီးတည်း လိုက်ပါလာတဲ့ ၁၄ ယောက်(ရှမ်းတောင်မှ) ကိုလည်း သူတို့ နေတဲ့ နေရာတွေမှာ Facility Quarantine လုပ်ထားပါတယ်။ ၂ ယောက်ကိုပဲ Hospital Quarantine လုပ်ပါတယ်။ သူတို့တွေရဲ့ တို့ဖတ်နမူနာတွေကို ၁၆ ရက်မှာ ယူပြီး ၁၇ ရက်မှာ ပို့ပါမယ်။”ဟု ပြည်နယ်ဝန်ကြီး ဒေါက်တာ မျိုးထွန်းက ကမ္ဘောဇတိုင်းသို့ ပြောသည်။
.

COVID-19 အတည်ပြု လူနာအမှတ်(၂၉)နှင့် အတူ မော်တော်ယာဉ် စီးနင်းခဲ့ကြသည့် တောင်ကြီးမှ မိသားစုဝင် ၂ ဦးနှင့် ကလောမှ ၁ ဦးတွင် ဓါတ်ခွဲစမ်းသပ်မှုအရ ပိုးတွေ့ရှိခြင်း မရှိသော်လည်း ဆေးရုံတွင် Quarantine အဖြစ် ဆက်လက် ထားရှိ၍ စောင့်ကြည့်သွားမည် ဖြစ်ကြောင်း ပြည်နယ်ဝန်ကြီးထံမှ သိရသည်။
.
ထို့အတူ COVID-19 အတည်ပြု လူနာအမှတ်(၆၄) ရန်ကုန်- ဟဲဟိုး - ကျိုင်းတုံသို့ လေယာဉ်ဖြင့် ပြန်လာစဉ် အတူ လိုက်ပါ စီးနင်းသူများအနက် ဟဲဟိုးလေဆိပ်တွင် ၁၄ ယောက်၊ ကျိုင်းတုံလေဆိပ်တွင်၂၅ ယောက် ဆင်းခဲ့ခြင်း ဖြစ်ရာ ၎င်းတို့ အားလုံးကို သက်ဆိုင်ရာ နေရာများတွင် Quarantine ထားရှိ၍ အသွားအလာ ကန့်သတ်ထားပြီး ဖြစ်ကြောင်း သိရသည်။
.
ဟဲဟိုးလေဆိပ်တွင် ဆင်းသည့် ၁၄ ယောက်တွင် တောင်ကြီးမှ ၉ ဦး ၊ အောင်ပန်းမှ ၁ ဦး၊ ညောင်ရွှေမှ ၁ ဦး၊ ဟိုပုံးမှ ၁ ဦးနှင့် မိုင်းပွန်မှ ၁ ဦးတို့ ဖြစ်ကြပြီး ယင်းတို့ကို သက်ဆိုင်ရာ နေရာများတွင် Quarantine ပြုလုပ်ထားကြောင်းနှင့် ကျိုင်းတုံ လေဆိပ်တွင် ဆင်းသည့် ၂၅ ဦးကိုလည်း သက်ဆိုင်ရာ နေရာများတွင် Quarantine ပြုလုပ်ထားပြီ ဖြစ်ကြောင်း သိရသည်။
.
မြန်မာနိုင်ငံ၌ ယနေ့ (ဧပြီလ ၁၅ ရက်)၊ နံနက် ၁၀ နာရီခွဲထိ COVID-19 အတည်ပြု လူနာ ၇၄ ဦး တွေ့ရှိထားပြီး ယင်းအနက် ရှမ်းပြည်နယ်မှ ၃ ဦး ပါဝင်ကာ ၎င်းတို့မှာ စဝ်စံထွန်းဆေးရုံမှ လူနာအမှတ်(၂၉)၊ ကျောက်မဲဆေးရုံမှ လားရှိုးဆေးရုံသို့ လွှဲပြောင်းထားသည့် လူနာအမှတ် (၁၄)နှင့် မိုင်းဖြတ်ဆေးရုံမှ ကျိုင်းတုံဆေးရုံသို့ လွှဲပြောင်းမည့် လူနာအမှတ်(၆၄)တို့ ဖြစ်ကြောင်း သိရသည်။

No comments:

Post a Comment

Journal Download

Photo of three cats

About