.
အဆိုပါ
လူနာအမှတ်(၂၃)သည် လူနာအမှတ်(၁)နှင့်အတူ အမေရိကန်နိုင်ငံမှ ချင်းပြည်နယ်၊ တီးတိန်မြို့နယ်၊
ကပ်တဲလ်ကျေးရွာသို့ ရောက်ရှိခဲ့ခြင်း ဖြစ်ကာ၊ လူနာအမှတ်(၁)တွင် ပိုး တွေ့ရှိကြောင်း
အတည်ပြုပြီးနောက် ယင်းအား သီးသန့်အိမ် တစ်လုံး၌ သီးခြားစောင့်ကြပ် ကြည့်ရှုခြင်းများ
ပြုလုပ်ထားစဉ် ဧပြီလ ၇ ရက်တွင် ဓါတ်ခွဲ နမူနာအား စစ်ဆေးခဲ့ရာ COVID-19 ပိုး တွေ့ရှိရခြင်း ဖြစ်ကြောင်း သိရသည်။
.
လူနာအမှတ်(၂၃)တွင်
ယနေ့အထိ သံသယရောဂါလက္ခဏာ တစ်စုံတစ်ရာ တွေ့ရှိရခြင်း မရှိဘဲ ယင်းလူနာအား တီးတိန်မြို့နယ်
ဆေးရုံသို့ ပို့ဆောင်၍ လိုအပ်သော ကုသမှုများ ဆောင်ရွက်သွားမည် ဖြစ်ကြောင်း သိရသည်။
.
မြန်မာနိုင်ငံတွင် COVID-19
အတည်ပြုလူနာ ၂၃ ဦး
အနက် သေဆုံးသူ ၃ ဦး၊ ပြန်လည် သက်သာလာသူ ၁ ဦး ရှိကာ ပြည်သူ လူထုအနေဖြင့် ရောဂါကာကွယ်ရေး ဆိုင်ရာ ကျန်းမာရေး ပညာပေး အချက်အလက်များအား
တိကျစွာ
လိုက်နာ ဆောင်ရွက်ခြင်းဖြင့်
မိမိ
သာမက မိမိ၏ မိသားစုနှင့် ပတ်ဝန်းကျင်မှ လူများအတွက်ပါ ရောဂါ ကူးစက်မှု မရှိစေရေး
ပူးပေါင်း ဆောင်ရွက်ရန် ကျန်းမာရေးနှင့် အားကစားဝန်ကြီးဌာနမှ နှိုးဆော်ထားသည်။
.
ကမ္ဘာ့နိုင်ငံများနှင့် နယ်မြေဒေသများတွင် COVID-19 အတည်ပြု လူနာပေါင်း
၁၄၃၈၉၉၄ ဦးထိ တွေ့ရှိထားကာ ယင်းအနက် သေဆုံးသူမှာ ၈၅၅၈၆ ဦး ရှိကြောင်း WHO ၏ ဧပြီလ ၉ ရက်က ထုတ်ပြန်ချက်များအရ သိရသည်။
