.
အဆိုပါ တောင်ကြီးမြို့မှ
အတည်ပြုလူနာ အမှတ်(၁၂၁)သည် အသက် ၂၁ နှစ်အရွယ် အမျိုးသမီး ဖြစ်ကာ အသွားအလာ ကန့်သတ်ထားရှိသူ
ဖြစ်ပြီး အတည်ပြုလူနာများနှင့် ထိတွေ့ခဲ့ဖူးခြင်း မရှိဘဲ ပြည်ပသို့ ခရီးသွားရာဇဝင်
ရှိခဲ့သူ ဖြစ်ကြောင်း သိရသည်။
.
“ လူနာက အနံ့အရသာ
မရတဲ့ မိန်းကလေးပါ။ တောင်ကြီးကပါပဲ၊ အတည်ပြု လူနာတွေနဲ့တော့ ထိတွေ့မှု မရှိပါဘူး၊ သူက
အင်္ဂလန်က ပြန်လာတဲ့သူပါ။” ဟု ရှမ်းပြည်နယ် ပြည်သူ့ကျန်းမာရေးနှင့် ကုသရေးဦးစီးဌာနမှ
လက်ထောက်ညွှန်ကြားရေးမှူး ဒေါက်တာ နှင်းအိဖြူက ကမ္ဘောဇတိုင်းသို့ ပြောသည်။
.
အမျိုးသားကျန်းမာရေး
ဓာတ်ခွဲမှုဆိုင်ရာဌာန (ရန်ကုန်)သည် ဧပြီလ ၂၁ ရက်တွင် ပထမအသုတ် အဖြစ် စစ်ဆေးခဲ့သော
ဓာတ်ခွဲနမူနာ ၁၈၅ ခုအနက် ၂ ဦးတွင် COVID-19 ပိုး တွေ့ရခြင်း ဖြစ်ပြီး လူနာများကို သက်ဆိုင်ရာ ဆေးရုံများသို့
လွှဲပြောင်း ကုသပေးမည်ဟု ထုတ်ပြန်ချက်တွင် ဖော်ပြထားသည်။.
မြန်မာနိုင်ငံတွင်
ဧပြီလ ၂၁ ရက်၊ ည ၈ နာရီထိ COVID-19 အတည်ပြုလူနာ ၁၂၁ ဦး ရှိပြီ ဖြစ်ကာ၊
ယင်းအနက် ၅ ဦး သေဆုံး၍ ၉ ဦးမှာ ပြန်လည် သက်သာလာပြီ ဖြစ်ကာ ရှမ်းပြည်နယ်တွင်မူ
အတည်ပြုလူနာ ၆ ဦး ရှိကြောင်း သိရသည်။
