COVID-19 အတည်ပြုလူနာ ၆ ဦး ထပ်မံ တွေ့ရှိကာ တာချီလိတ်မှ ၁ ဦး ပါဝင် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, April 20, 2020

COVID-19 အတည်ပြုလူနာ ၆ ဦး ထပ်မံ တွေ့ရှိကာ တာချီလိတ်မှ ၁ ဦး ပါဝင်

ရှမ်းပြည်နယ်အရှေ့ပိုင်း၊ တာချီလိတ်မြို့မှ လူနာ ၁ ဦး အပါအဝင် COVID-19 အတည်ပြုလူနာအသစ် ၆ ဦး ထပ်မံ တွေ့ရှိကြောင်း ကျန်းမာရေးနှင့် အားကစားဝန်ကြီးဌာနက ဧပြီလ ၂၀ ရက် ၊ ည ၈ နာရီတွင် ပထမအသုတ်အဖြစ် ထုတ်ပြန်ခဲ့သည်။
.

အတည်ပြုလူနာ အမှတ်(၁၁၂)ဖြစ်သော အသက် ၂၉ နှစ်အရွယ် အမျိုးသမီးသည် တာချီလိတ်၌ အသွားအလာ ကန့်သတ်ထားသူ ဖြစ်ပြီး ကျန်လူနာများမှာ ချင်းပြည်နယ်၊ တီးတိန်မြို့နယ်မှ ၁ ဦး၊ စစ်ကိုင်းတိုင်းဒေသကြီး၊ ကလေးမြို့နယ်မှ ၄ ဦးတို့ ဖြစ်ကြောင်း သိရသည်။
.
အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်)သည် ဧပြီလ ၂၀ ရက်တွင် ပထမအသုတ် အဖြစ် စစ်ဆေးခဲ့သော ဓာတ်ခွဲနမူနာ ၁၈၁ ခုအနက် ၆ ဦးတွင် COVID-19 ပိုး တွေ့ရခြင်း ဖြစ်ပြီး လူနာများကို သက်ဆိုင်ရာ ဆေးရုံများသို့ လွှဲပြောင်း ကုသပေးမည်ဟု ထုတ်ပြန်ချက်တွင် ဖော်ပြထားသည်။
.
မြန်မာနိုင်ငံတွင် ဧပြီလ ၂၀ ရက်၊ ည ၈ နာရီထိ COVID-19 အတည်ပြုလူနာ ၁၁၇ ဦး ရှိပြီ ဖြစ်ကာ၊ ယင်းအနက် ၅ ဦး သေဆုံး၍ ၉ ဦးမှာ ပြန်လည် သက်သာလာပြီ ဖြစ်ကာ ရှမ်းပြည်နယ်တွင် အတည်ပြုလူနာ ၅ ဦး ရှိကြောင်း သိရသည်။

No comments:

Post a Comment

Journal Download

Photo of three cats

About