ကျောက်မဲတွင် လက်ပစ်ဗုံး တစ်လုံး တွေ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, April 4, 2020

ကျောက်မဲတွင် လက်ပစ်ဗုံး တစ်လုံး တွေ့

စိုင်းသိင်္ခသူ
.
ရှမ်းပြည်နယ်မြောက်ပိုင်း၊ ကျောက်မဲမြို့၊ အမှတ်(၈)ရပ်ကွက်တွင် မ​ပေါက်ကွဲသေးသည့် လက်ပစ်ဗုံး တစ်လုံး တွေ့ရှိသဖြင့် သက်ဆိုင်ရာသို့ အပ်နှံခဲ့ကြောင်း ကျောက်မဲမြို့ ဇီဝိတလူမှုကူညီရေးအသင်းထံမှ သိရသည်။
.
“ မနက်တိုင်း အမှိုက်တွေကို သိမ်းဆည်း မီးရှို့နေတဲ့သူက အမှိုက် စုပုံရင်း ပလပ်စတစ်အိပ်ကို ကောက်ယူရာက ထွက်ကျလာတာကို တွေ့တာ ရပ်ကွက်အုပ်ချုပ်ရေးမှူးကို အပ်လိုက်ပါပြီ” ဟု ဇီဝိတလူမှုကူညီရေးအသင်းမှ ဦးတင်မောင်သိန်းက ပြောသည်။
.

အဆိုပါ လက်ပစ်ဗုံးအား တွေ့ရှိခြင်း မရှိဘဲ အမှိုက် မီးရှို့ခဲ့ပါက ပေါက်ကွဲမှု ဖြစ်ပေါ်ကာ ထိခိုက် ဆုံးရှုံးမှုများ ဖြစ်ပွားနိုင်ခြင်းကြောင့် ရပ်ကွက်နေ ပြည်သူများ အကြား စိုးရိမ်မှုများ ဖြစ်ပေါ်နေကြောင်းလည်း သိရသည်။
.
ကျောက်မဲမြို့၊ အမှတ်(၈) ရပ်ကွက်ရှိ ​​​ဝေဠုဝန်ကျောင်းဝန်း ရွှေစေတီ အနီးတွင် ဧပြီလ ၄ ရက်၊ နံနက် ၁၀ နာရီခွဲခန့်က ယင်း ​မပေါက်ကွဲသေးသည့် လက်ပစ်ဗုံးအား တွေ့ရှိရခြင်း ဖြစ်ကာ အဆိုပါ နေရာသည် မူးယစ်ဆေးဝါး သုံးစွဲသူများ လာရောက်လေ့ ရှိသည့်နေရာ ဖြစ်ကြောင်း သိရသည်။

No comments:

Post a Comment

Journal Download

Photo of three cats

About