ကလောတိုးလ်ဂိတ်အနီးတွင် တပ်မတော်သားမောင်းနှင်သော မော်တော်ယာဉ်နှင့် ဆိုင်ကယ် တိုက်မိကာ အမျိုးသား တစ်ဦး သေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, April 30, 2020

ကလောတိုးလ်ဂိတ်အနီးတွင် တပ်မတော်သားမောင်းနှင်သော မော်တော်ယာဉ်နှင့် ဆိုင်ကယ် တိုက်မိကာ အမျိုးသား တစ်ဦး သေဆုံး


စုလှိုင်
.
ရှမ်းပြည်နယ်တောင်ပိုင်း၊ ကလောမြို့နယ်၊ ကလောတိုးလ်ဂိတ်အနီး၊ ပြည်ထောင်စုလမ်းမကြီး၊ ပင်လောင်းလမ်းခွဲတွင် ဧပြီလ ၂၉ ရက်၊ ညပိုင်းက က တပ်မတော်သားတစ်ဦး မောင်းနှင်လာသော မော်တော်ယာဉ်နှင့် ဆိုင်ကယ် တိုက်မိကာ ဆိုင်ကယ် မောင်းနှင်သူ အမျိုးသား သေဆုံးခဲ့ကြောင်း သိရသည်။
.
.
ကလောမြို့နယ်၊ အောင်ပန်းမြို့၊ ညောင်ပင်ထောင်ရပ်ကွက်နေ ဆိုင်ကယ်ယာဉ်မောင်း ဦးလှဝင်း (၅၆ နှစ်) သည် ဧပြီလ ၂၉ ရက်၊ ည ၇ နာရီခွဲခန့်က NEW ANBO-125 အမျိုးအစား အနက်ရောင်ဆိုင်ကယ်ဖြင့် ကလောမြို့ဘက်မှ အောင်ပန်းဘက်သို့ မောင်းနှင်လာစဉ် မိုင်တိုင်အမှတ် ((၇၆/၀) နှင့် (၇၆/၁) အကြား ပင်လောင်းလမ်းခွဲအရောက်တွင် အမှတ် (၂) မော်တော်ယာဉ်တပ်ရင်း၊ နေပြည်တော် (ရွာတော်) မှ ဒုတပ်ကြပ် ခင်ဇော် (၃၅ နှစ်) မောင်းနှင်လာသော FAW အမျိုးအစား စစ်စိမ်းရောင် တပ်မတော်မော်တော်ယာဉ်က ပင်လောင်းလမ်းသွယ်မှ ပြည်ထောင်စုလမ်းမကြီးပေါ် သို့ ဖြတ်ထွက်ရာ ဦးလှဝင်း မောင်းနှင်လာသော ဆိုင်ကယ်အား ဝင်ရောက်တိုက်မိခဲ့ခြင်းဖြစ်ကြောင်း သိရသည်။
.
အဆိုပါ ယာဉ်တိုက်မှုကြောင့် ဆိုင်ကယ်မောင်းနှင်သူ ဦးလှဝင်းတွင် နှာခေါင်းသွေးထွက်ဒဏ်ရာ၊ မေးစေ့ ပေါက်ပြဲ ဒဏ်ရာ၊ ယာပေါင် ပေါက်ပြဲဒဏ်ရာများ ရရှိခဲ့ပြီး ကလောပြည်သူ့ဆေးရုံသို့ ပို့ဆောင်၍ ဆေးကုသမှုခံယူနေစဉ် သေဆုံး သွားခဲ့ကြောင်း သိရသည်။
.
“အမှုဖွင့်ထားပါတယ်။ ယာဉ်မောင်းကို ပုဒ်မ ၃၀၄ (က) နဲ့ အရေးယူထားပါတယ်” ဟု ကလောမြို့မရဲစခန်းမှူး ဒုရဲမှူး လှနိုင်က ကမ္ဘောဇတိုင်းသို့ ပြောသည်။
.
သို့ဖြစ်၍ ယာဉ်မဆင်မခြင်မောင်းနှင်သူ ဒုတပ်ကြပ် ခင်ဇော်အား ကလောမြို့မရဲစခန်းတွင် ယာဉ် (ပ) ၁၇/၂၀၂၀၊ ရာဇသတ်ကြီးဥပဒေပုဒ်မ ၂၇၉/၃၀၄ ဖြင့် အမှုဖွင့် အရေးယူ ဆောင်ရွက်လျက်ရှိပြီး ယာဉ်မောင်းသည် တပ်မတော်သားဖြစ်သည့်အတွက် သက်ဆိုင်ရာ တပ်နယ်သို့ လွှဲပြောင်းပေးအပ်ရန် စီစဉ်ဆောင်ရွက်လျက်ရှိကြောင်း သိရသည်။
.

No comments:

Post a Comment

Journal Download

Photo of three cats

About