အေးသာယာတွင် အရက်ဆိုင်ဖွင့်လှစ်သူနှင့် Quarantine မှအပြင်ထွက်၍ အရက်သေစာ သောက်စားသူ ၂ ဦးတို့ကို အရေးယူပေးရန် တိုင်တန်းမှုဖြစ်ပွား - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, April 24, 2020

အေးသာယာတွင် အရက်ဆိုင်ဖွင့်လှစ်သူနှင့် Quarantine မှအပြင်ထွက်၍ အရက်သေစာ သောက်စားသူ ၂ ဦးတို့ကို အရေးယူပေးရန် တိုင်တန်းမှုဖြစ်ပွား


စုလှိုင်
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ အေးသာယာမြို့တွင် ဧပြီလ ၂၄ ရက်က အရက်ဆိုင်ဖွင့်လှစ်ရောင်းချသူ နှင့် Quarantine ဝင်နေစဉ်အတွင်း အပြင်ထွက်၍ အရက်သေစာ သောက်စားသူတို့ကို ဥပဒေအရ အရေးယူပေးရန် အေးသာယာမြို့ရှိ ဒေသန္တရကျန်းမာရေးဌာနမှ ကျန်းမာရေးဝန်ထမ်းက တိုင်တန်းမှု ဖြစ်ပွားခဲ့ကြောင်း သိရသည်။
.
.
အေးသာယာမြို့နေ ဦးရွှေမြင့်သည် ကျန်းမာရေးနှင့် အားကစားဝန်ကြီးဌာနမှ COVID-19 ရောဂါ ကာကွယ်ထိန်းချုပ်ရေး အတွက် ထုတ်ပြန်ထားသည့် အမိန့်ကြော်ငြာစာအား လိုက်နာခြင်းမရှိဘဲ ဆိုင်ခန်းအတွင်း လူ ၅ ဦးထက်ပို၍ စုဝေး သောက်နိုင်ရန် ဆိုင်ဖွင့်လှစ်ရောင်းချသဖြင့်လည်းကောင်း၊ ဇော်ဇော် (ခ) စိုင်းနောင့်သည် Quarantine ဝင်နေစဉ် ကာလအတွင်း ကျန်းမာရေးဝန်ထမ်းများ၏ ညွှန်ကြားချက်များကို မလိုက်နာဘဲ အပြင်ထွက်၍ အခြားနေရာတွင် အရက်သေစာ သောက်စားသဖြင့်လည်းကောင်း ၎င်းတို့ ၂ ဦးအား အရေးယူပေးရန် တောင်ကြီးမြို့နယ် တရားရုံးသို့ ဦးတိုက်လျှောက်ထားခဲ့ခြင်းဖြစ်ကြောင်း သိရသည်။
.
အဆိုပါ ဦးတိုက်လျှောက်ထားမှုနှင့် ပတ်သက်၍ ဖြစ်စဉ်နှင့် ကိုက်ညီမှုမရှိသဖြင့် ဧပြီလ ၂၇ ရက်တွင် တရားရုံးသို့ ပြန်လည်လျှောက်ထားရန် တောင်ကြီးမြို့နယ် တရားသူကြီးမှ အမိန့်ချမှတ်ခဲ့ကြောင်း သိရသည်။
.

No comments:

Post a Comment

Journal Download

Photo of three cats

About