စုလှိုင်
.
ရှမ်းပြည်နယ်၏
မြို့တော် တောင်ကြီးမြို့ ကျက်သရေဆောင် စူဠာမုနိလောကချမ်းသာ စေတီတော်၏ ရင်ပြင်တော်ရှိ
COVID-19 ကာကွယ်ရေးအတွက် ပိတ်သိမ်းထားရသည့် ဈေးဆိုင်ခန်းများ၏
ဆိုင်ခန်း ငှားရမ်းခ ၃ လစာအား ဧပြီလမှ စတင်၍ ကင်းလွတ်ခွင့် ပေးထားကြောင်း သိရသည်။
.
“ ဧပြီလကနေ စပြီး
၃ လစာ မယူပါဘူး ။ မတ်လ ၃၀ ရက်က စပြီး စူဠာမုနိစေတီတော်ကို Lockdown စ လုပ်တယ် ။ ၃ လစာ လျှော့ပေးတဲ့အပြင် ဝန်ထမ်းတွေကိုလည်း အလုပ်
တစ်ဝက် ဆင်းပေါ့ တစ်ဝက်ဆီပေါ့။ ဒါပေမဲ့ လစာ အပြည့် ပေးထားတယ် ။ နောက်ပြီး ဆီ ၂ ပိဿာ၊
ဆန်တစ်အိတ် လည်း ပေးတယ် ”
ဟု တောင်ကြီးမြို့ စူဠာမုနိ လောကချမ်းသာ စေတီတော် ဂေါပကအဖွဲ့မှ ဦးသူရစောသိန်းက
ကမ္ဘောဇတိုင်းသို့ ပြောသည်။
.
COVID 19 ရောဂါ ကူးစက်မှုအား ကာကွယ်နိုင်စေရေး အတွက် စူဠာမုနိဘုရားကို မတ်လ ၃၀ ရက်က စပြီး
Lockdown
ပြုလုပ်ကာ ရင်ပြင်တော်ရှိ အရောင်းဆိုင်ခန်းများကို ဧပြီလ၊ မေလ
နှင့် ဇွန်လအတွက် ၃ လစာ ဆိုင်ခန်းခ ကင်းလွတ်ခွင့် ပေးခဲ့ခြင်း ဖြစ်ကြောင်း သိရသည်။
.
“ ဘုရားပေါ်က
ဆိုင်ခန်းတွေကို နာယကကြီးတွေရဲ့ ညွှန်ကြားချက်အရ ဂေါပကအဖွဲ့က ၃ လစာ ဆိုင်ခန်းခ ကင်းလွတ်ခွင့်
ပေးထားတယ်။ ဆိုင်ခန်းရှင်တွေကလည်း ကျေးဇူးတင်နေကြပါတယ်။ စျေးသည်တွေ အကုန်လုံးကလည်း
ဝမ်းသာနေကြတာ ခုလိုအချိန်မှာ ငဲ့ညှာပေးတဲ့အတွက်ပေါ့။” ဟု တောင်ကြီး စူဠာမုနိစေတီတော် ရင်ပြင်တွင် ဈေးရောင်းချနေသူ
တစ်ဦးက ပြောသည်။
.
ကျန်စစ်မင်းကြီး
ပုဂံ၌ တည်ထားကိုးကွယ်ခဲ့သည့် အာနန္ဒာဘုရား ပုံစံတူအတိုင်း တောင်ကြီးမြို့ရှိ စူဠာမုနိ
လောကချမ်းသာ စေတီတော်ကို ၁၉၉၆ ခုနှစ်တွင် တည်ထား ကိုးကွယ်ခဲ့ခြင်း ဖြစ်ကြောင်း
သိရသည်။
.
