ဟဲဟိုးတွင် နေအိမ် မီးရှို့မည်ကို တားမြစ်သူများ ဓား ထိုးခံရကာ တစ်ဦး သေဆုံး - Kanbawza Tai News

Kanbawza Tai News

#StayAtHome

Breaking

COVID-19

Photo of three cats

Saturday, April 4, 2020

ဟဲဟိုးတွင် နေအိမ် မီးရှို့မည်ကို တားမြစ်သူများ ဓား ထိုးခံရကာ တစ်ဦး သေဆုံး


မင်းဇော်မင်း

ရှမ်းပြည်နယ်တောင်ပိုင်း၊ ကလောမြို့နယ်၊ ဟဲဟိုးမြို့၊ စကားအင်းကျေးရွာအုပ်စု၊ နတ်ကန်ကျေးရွာတွင် ဧပြီလ ၃ ရက် ညနေပိုင်းတွင် သောက်စားမူးယစ်၍ နေအိမ်အား မီးရှို့မည့်သူကို ကျေးရွာလူထုက ဝိုင်းဝန်း တားမြစ်စဉ် ယင်း အမူးသမားက ဓားဖြင့် ထိုးခဲ့ခြင်းကြောင့် လူ ၂ ဦး ဒဏ်ရာများ ရရှိပြီး တောင်ကြီးစဝ်စံထွန်းဆေးရုံ၌ ဆေး ကုသမှု ခံယူနေစဉ် ဓားဖြင့် ထိုးခံရသူများအနက် တစ်ဦးမှာ သေဆုံးခဲ့ရကြောင်း ဟဲဟိုးနယ်မြေရဲစခန်းမှ သိရသည်။
.
ဟဲဟိုးမြို့၊ စကားအင်းကျေးရွာအုပ်စု၊ လယ်ခေါင်းကျေးရွာအုပ်စု၊ နတ်ကန်ကျေးရွာတွင် တကျော်သည် အရက် သေစာ သောက်စား မူးယစ်ပြီး ထင်းမီးစ ကိုင်ဆောင်၍ ၎င်း၏ နေအိမ်အား မီးရှို့မည် ပြုစဉ် ပတ်ဝန်းကျင်ရှိ ရွာသားများက တားမြစ်ရာ ၎င်းမှ အသင့် ကိုင်ဆောင်ထားသည့် ဓားဦးချွန်ဖြင့် ထိုးရာ ဦးတင်မောင်၏ နောက်ကျော အလယ်တွင် ထိုးသွင်းဒဏ်ရာ (စိုးရိမ်ရ)နှင့် ဦးအောင်ကြိတ်၏ ယာဘက်ခါး အပေါ် ထိုးသွင်းဒဏ်ရာ ၊ ဝဲဘက်ပုခုံး ၂ လက်မခန့် ပြတ်ရှ ဒဏ်ရာတို့ ရရှိခဲ့သဖြင့် ဟဲဟိုးတိုက်နယ် ဆေးရုံသို့ ပို့ဆောင်ကာ ဓားဖြင့်ထိုးသူ တကျော်အား ဝိုင်းဝန်း ဖမ်းဆီးခဲ့ခြင်း ဖြစ်ကြောင်း သိရသည်။
.

ယင်းကဲ့သို့ ဓားဖြင့် ထိုးခံရသူ ၂ ဦးအား ဟဲဟိုးတိုက်နယ် ဆေးရုံမှ တဆင့်  တောင်ကြီး စဝ်စံထွန်းဆေးရုံသို့ လွှဲပြောင်း ကုသပေးနေစဉ် ဧပြီလ ၄ ရက်၊ နံနက်ပိုင်းတွင် ဦးတမောင်မှာ ရရှိသော ဒဏ်ရာများဖြင့် သေဆုံးခဲ့ရကြောင်း သိရသည်။
.
အဆိုပါ မိမိနေအိမ်အား မီးရှို့ရန် ကြံစည်သည့် အပြင် တားမြစ်သူများကိုပါ ဓားဖြင့် ထိုးခဲ့သူ တကျော် အား ဟဲဟိုးနယ်မြေရဲစခန်းမှ (ပ)၂၉/၂၀၂၀၊ ရာဇသတ်ကြီးပုဒ်မ ၃၂၆/ ၃၀၂ ဖြင့် အမှုဖွင့် ဖမ်းဆီး၍ စစ်ဆေး နေလျက် ရှိကြောင်း သိရသည်။

No comments:

Post a Comment

Journal Download

Photo of three cats