ကလောမြို့နယ်တွင် သားမယား အဖြစ် ပြုကျင့်ရန် ကြံစည်သူ အမျိုးသားကို ဖမ်းဆီးထား - Kanbawza Tai News

Kanbawza Tai News

#StayAtHome

Breaking

COVID-19

Photo of three cats

Wednesday, April 1, 2020

ကလောမြို့နယ်တွင် သားမယား အဖြစ် ပြုကျင့်ရန် ကြံစည်သူ အမျိုးသားကို ဖမ်းဆီးထား


စုလှိုင်
.
ရှမ်းပြည်နယ်ကလောမြို့နယ် တောင်လားကျေးရွာအုပ်စု၊ ငှက်ပျောပင်ကျေးရွာတွင် အမျိုးသမီး တစ်ဦးအား သားမယား အဖြစ် ပြုကျင့်ရန် ကြံစည်သူ အမျိုးသားကို ရဲတပ်ဖွဲ့က ဖမ်းဆီး ထားကြောင်း သိရသည်။
.
ကလောမြို့နယ် ငှက်ပျောပင်ကျေးရွာ၊ တောင်လား ကျေးရွာနေ မ ... သည် မတ်လ ၂၁ ရက် ညပိုင်းရွာအရှေ့ပိုင်းရှိ အဒေါ်ဖြစ်သူ၏ နေအိမ်တွင် ဗီဒီယို ကြည့်တစ်ဦးတည်း လမ်းလျှောက် ပြန်လာစဉ် လမ်းတစ်ဝက် အရောက်တွင် တစ်ရွာတည်းနေ မျိုးဇော်က နောက်မှ လိုက်လာပြီး မ... ၏ ပါးစပ်အား ပိတ်ပြီး ဆံပင်ကို ဆွဲ၍ မြေကြီးပေါ်သို့ တွန်းလှဲကာ သားမယားအဖြစ် ပြုကျင့်ရန် ကြံစည်ခဲ့သဖြင့် အော်ဟစ် အကူအညီ တောင်းခဲ့ရာ မ... ၏ မောင်ဖြစ်သူ ရောက်ရှိလာခဲ့သဖြင့် မျိုးဇော်မှာ ထွက်ပြေး သွားခဲ့ခြင်း ဖြစ်ကြောင်း သိရသည်။
.

အဆိုပါ ဖြစ်စဉ်နှင့် ပတ်သက်၍ ရွာ၌ မင်္ဂလာပွဲ ရှိ၍ ချက်ချင်း တိုင်ကြားမှု မပြုဘဲ မတ်လ ၂၄ ရက်မှသာ ကျေးရွာ ရာအိမ်မှူး ဦးလှကျော်ထံ တိုင်ကြားခဲ့ရာ ရာအိမ်မှူးမှ မျိုးဇော်အား ခေါ်ယူပြီး ဆွေးနွေး ညှိနှိုင်းခဲ့သော်လည်း အဆင်မပြေ ခြင်းကြောင့် မျိုးဇော်အား ဥပဒေအရ အရေးယူပေးရန် မတ်လ ၃၁ ရက်တွင် ... မှ ရဲတပ်ဖွဲ့သို့ တိုင်ကြားခဲ့ကြောင်း သိရသည်။
.
" ၃၇၆/၅၁၁ နဲ့ အရေးယူထားတယ် ၊ ကြံစည်သူကို ဖမ်းထားတယ်။ ကလောရဲစခန်းမှာပဲ ချုပ်ထားတယ်၊ ဖြစ်တာက မတ်လ၂၁ ရက် ည နာရီက ဖြစ်တာ အခုမှ သူ့တို့က လာတိုင်တယ် ဟု ကလောမြို့မ ရဲစခန်းမှ ဒုရဲမှူးလှနိုင်က ကမ္ဘောဇတိုင်းသို့ ပြောသည်။
.
ယင်းကဲ့သို့ ... အား သားမယားအဖြစ် ကြံစည်ခဲ့သူ မျိုးဇော် အား ကလောမြို့မရဲစခန်းတွင် (ပ)၄၇/ ၂၀၂၀ ရာဇသတ်ကြီး ပုဒ်မ ၃၇၆/၅၁၁ ဖြင့် အမှုဖွင့် အရေးယူဆောင်ရွက်ထားကြောင်း သိရသည်။
.

No comments:

Post a Comment

Journal Download

Photo of three cats