မိုင်းကိုင်မြို့နယ်ရှိ အခြေခံလူတန်းစားများကို စားသောက်ကုန်များ စတင်ထောက်ပံ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, April 12, 2020

မိုင်းကိုင်မြို့နယ်ရှိ အခြေခံလူတန်းစားများကို စားသောက်ကုန်များ စတင်ထောက်ပံ့


နန်းလှိုင်လှိုင်ဦး (မိုင်းကိုင်)
.
ရှမ်းပြည်နယ်တောင်ပိုင်း၊ မိုင်းကိုင်မြို့နယ်အတွင်းရှိ ပုံမှန်ဝင်ငွေ မရှိသေးသည့် အခြေခံ လူတန်းစား  အိမ်ထောင်စုများအား  နိုင်ငံတော်မှ ထောက်ပံ့ပေးသော  စားသောက်ကုန် ၅ မျိုးကို  စတင် ထောက်ပံ့ ဖြန့်ဝေနေပြီ ဖြစ်ကြောင်း သိရသည်။
.

အဆိုပါ စားသောက်ကုန်များကို မြို့နယ်အထွေထွေအုပ်ချုပ်ရေး ဦးစီးဌာနရုံးတွင်  ထုတ်ပိုးမှုများ ဆောင်ရွက်ပြီးနောက်  ရပ်ကွက်နှင့် ကျေးရွာအုပ်စုများရှိ အခြေခံလူတန်းစား စာရင်းများအလိုက် ဧပြီလ  ၁၀ ရက်က စတင်၍  ထောက်ပံ့မှုများ  ပြုလုပ်နေခြင်း ဖြစ်ကြောင်း သိရသည်။
.
ယင်းကဲ့သို့ စားသောက်ကုန် ထောက်ပံ့မှုများကို လွှတ်တော်ကိုယ်စားလှယ်များ၊  မြို့နယ်အုပ်ချုပ်ရေးမှူးနှင့် ဌာနဆိုင်ရာများ၏  ကြီးကြပ်မှုဖြင့် ရပ်ကွက်နှင့် ကျေးရွာအုပ်စု ၂၉ ခု၊ ကျေးရွာပေါင်း ၂၂၂ ရွာတို့တွင် ရှိသော  အခြေခံလူတန်းစား အိမ်ထောင်စု ၁၄၅၄ အိမ်ထောင်စု၊ လူဦးရေပေါင်း ၆၀၀၀ ဦးတို့အတွက်  တစ်အိမ်ထောင်လျှင် ဆန် ၈ ပြည်၊ ဆား ၅၀ ကျပ်သား၊ ဆီ ၅၀ ကျပ်သား ကြက်သွန်နီတစ်ပိဿာ၊ ပဲတစ်ပိဿာ စသည့် အခြေခံ စားသောက်ကုန် ၅ မျိုးကို အခမဲ့ဖြန့်ဖြူး ပေးနေခြင်း ဖြစ်ကြောင်း  သိရသည်။
.

No comments:

Post a Comment

Journal Download

Photo of three cats

About