ဟိုပုံးမြို့တွင် အမျိုးသားတစ်ဦး ဒဏ်ရာများဖြင့် သေဆုံးနေ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, April 26, 2020

ဟိုပုံးမြို့တွင် အမျိုးသားတစ်ဦး ဒဏ်ရာများဖြင့် သေဆုံးနေ

နန်းဝင်းရီ
.
ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ တောင်ရပ်ကွက်၌ ဧပြီလ ၂၆ ရက်၊ နံနက်ပိုင်းတွင် အမျိုးသား တစ်ဦး  ဒဏ်ရာများဖြင့် သေဆုံးနေကြောင်း သိရသည်။
.
 တရားခံကတော့ စုံစမ်း ရှာဖွေဆဲပါ။ သေတဲ့သူရဲ့ အဖေက တရားလို ပြုလုပ်ပြီး တိုင်တန်းတာပါ။ လူ မရှိတဲ့ ခြံထဲမှာ သေဆုံးတာပါ ။ဟု ဟိုပုံးမြို့မရဲစခန်းမှ တာဝန်ရှိသူ တစ်ဦးက ကမ္ဘောဇတိုင်းသို့ ပြောသည်။
.

သေဆုံးသူမှာ ဟိုပုံးမြိုနယ်၊ လွယ်အွန့်ကျေးရွာအုပ်စု၊ ရန်ကင်းကျေးရွာနေ တပေး (ခ) မောင်သန်း ဆိုသူ ဖြစ်ပြီး ဟိုပုံးမြို့၊ တောင်ရပ်ကွက်၊ နယ်မြေ(၁)၊ အထက(၂)ကျောင်း၏ မြောက်ဘက် ၃ အိမ်ကျော်ရှိ ခြံအတွင်း၌ ဝဲဘက် နားထင် ပေါက်ပြဲဒဏ်ရာ ၁ ချက်၊ ဝဲမျက်ခုံး အနီးတစ်ဝိုက်တွင် ပိန်ချိုင့်ဝင် ဒဏ်ရာ ၁ ချက်၊ ဝဲဘက် ဂျိုစောင်း နားရွက် နောက်ဘက်တွင် ၄ လက်မခန့် ကွဲပြဲဒဏ်ရာ ၁ ချက်၊ ယာဘက် လက်ခလယ် စုတ်ပြဲဒဏ်ရာ ၁ ချက်ဖြင့် သေဆုံးနေသည်ကို တွေ့ရှိရခြင်း ဖြစ်ကြောင်း သိရသည်။
.
အဆိုပါ လူသတ်မှု ကျူးလွန်သူအား အရေးယူ ပေးနိုင်ရန် သေဆုံးသူ၏ ဖခင်ဖြစ်သူက တရားလို ပြုလုပ်၍ တိုင်ကြားခဲ့သဖြင့် ဟိုပုံးမြို့မရဲစခန်းမှ ရာဇသတ်ကြီးပုဒ်မ ၃၀၂ ဖြင့် အမှုဖွင့်ထားပြီး တရားခံအား ဖော်ထုတ် ဖမ်းဆီးရမိရေး ဆောင်ရွက်လျက် ရှိကြောင်း သိရသည်။
.

No comments:

Post a Comment

Journal Download

Photo of three cats

About