ကလောတွင် နှစ်လုံးထီ လောင်းကစား ပြုလုပ်သည့် အမျိုးသမီးကို ရဲတပ်ဖွဲ့ ဖမ်းဆီး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, April 10, 2020

ကလောတွင် နှစ်လုံးထီ လောင်းကစား ပြုလုပ်သည့် အမျိုးသမီးကို ရဲတပ်ဖွဲ့ ဖမ်းဆီး

စုလှိုင်
.
ရှမ်းပြည်နယ်တောင်ပိုင်း၊ ကလောမြို့၊ ဘူတာရုံတွင် နှစ်လုံးထီ လောင်းကစား ပြုလုပ်နေသည့် အမျိုးသမီးကို ရဲတပ်ဖွဲ့က ဧပြီလ ၁၀ ရက် ညနေပိုင်းတွင် ဖမ်းဆီး အရေးယူထားကြောင်း သိရသည်။
.
ကလောမြို့မရဲစခန်းမှ ရဲအုပ် ဆန်းလွင် ဦးစီးသော ရဲတပ်ဖွဲ့ဝင်များသည် လှည့်ကင်း ဆောင်ရွက်နေစဉ် ကလောမြို့ ဘူတာရုံရှေ့ရှိ ခရီးသည်များ နေထိုင်သည့် တန်းလျား၌ ကလောမြို့၊ အမှတ်(၃) ရပ်ကွက်တွင် နေထိုင်သော မဝေဝေနှင်းအား နှစ်လုံးထီ ဘောင်ချာ စာအုပ်ဖြင့် နှစ်လုံးထီ ရေးမှတ်၍ လောင်းကစား လုပ်နေသည်ကို တွေ့ရှိရသဖြင့် သက်သေများနှင့် အတူ ဖမ်းဆီခဲ့ခြင်း ဖြစ်ကြောင်း သိရသည်။
.

"ဒီနေ့ ညနေခင်းမှာ လောင်းကစားဥပဒေနဲ့ အရေးယူထားပါတယ် ဟု ကလောမြို့မ ရဲစခန်းမှ ဒုရဲမှူး လှနိုင်က ကမ္ဘောဇတိုင်းသို့ ပြောသည်။
.
အဆိုပါ အများပြည်သူ ဝင်/ထွက် သွားလာသည့် ကလောဘူတာတွင် တရားမဝင် နှစ်လုံးထီ လောင်းကစား ပြုလုပ်သူ မဝေဝေနှင်းအား ကလောနယ်မြို့ရဲစခန်းမှ (ပ)၅၃/၂၀၂၀ လောင်းကစား ဥပဒေ ပုဒ်မ ၁၈(က)/၁၉(က)ဖြင့် အမှုဖွင့် အရေးယူဆောင်ရွက်ထားကြောင်း သိရသည်။
.

No comments:

Post a Comment

Journal Download

Photo of three cats

About