ထက်တိုင်းကျော်
.
ရှမ်းပြည်နယ်အရှေ့ပိုင်း၊ တာချီလိတ်မြို့မှ COVID-19 လူနာ အမှတ်(၁၁၂)သည် ယနေ့ (ဧပြီလ ၂၁ ရက်)၊ ညနေ ၆ နာရီ ၂၀ မိနစ်တွင် ကျိုင်းတုံ ပြည်သူ့ဆေးရုံသို့ ဆေးကုသမှု ခံယူရန်အတွက် လွှဲပြောင်း ရောက်ရှိလာပြီ ဖြစ်ကြောင်း သိရသည်။
.
ကျိုင်းတုံဆေးရုံ၌ ဆေးကုသမှု
ခံယူမည့် တတိယမြောက် လူနာဖြစ်သော အမှတ်(၁၁၂)သည် အသက် ၂၉ နှစ်အရွယ် အမျိုးသမီး ဖြစ်ပြီး
တာချီလိတ်ဆေးရုံ၌ တာဝန် ထမ်းဆောင်နေသည့် သူနာပြု တစ်ဦး ဖြစ်ကာ လူနာအမှတ်(၉၆)
ဖြစ်သည့် အသက် ၄၃ နှစ်အရွယ် အမျိုးသား (ဆရာဝန်)နှင့် ထိတွေ့ခဲ့ဖူးသူများအနက်မှ
တစ်ဦး အပါအဝင် ဖြစ်သည်။
.
အဆိုပါ အတည်ပြုလူနာ အမှတ်(၁၁၂) အမျိုးသမီးနှင့်
ထိတွေ့ဆက်စပ်သူမှာ ၂၀၀ ဦးကျော်ခန့်ထိ ရှိနေကြောင်း တာချီလိတ် အခြေစိုက် သတင်းမီဒီယာများက
ဖော်ပြထားသည်။
.
ကျိုင်းတုံဆေးရုံတွင် ဆေးကုသမှု
ခံယူနေသည့် COVID-19 အတည်ပြု လူနာ ၃ ဦး ရှိပြီ ဖြစ်ကာ
၎င်းတို့မှာ မိုင်းဖြတ်မြို့မှ လူနာအမှတ်(၆၄) ဖြစ်သည့် အသက် ၂၃ နှစ်အရွယ်
အမျိုးသား၊ တာချီလိတ်မြို့မှ လူနာအမှတ်(၉၆) ဖြစ်သည့် အသက် ၄၃ နှစ်အရွယ်
အမျိုးသားနှင့် လူနာအမှတ် (၁၁၂)ဖြစ်သည့်
အသက် ၂၉ နှစ်အရွယ် အမျိုးသမီးတို့ ဖြစ်သည်။
