တောင်ကြီး စဝ်စံထွန်းဆေးရုံတွင် COVID-19 စောင့်ကြည့်လူနာ ၂ ဦး ထပ်မံ ရောက်ရှိ

ကမ္ဘောဇတိုင်း

.

တောင်ကြီးမြို့၊ စဝ်စံထွန်းဆေးရုံတွင် ယနေ့ (မတ်လ ၂၅ ရက်) နံနက်ပိုင်းတွင်COVID-19 စောင့်ကြည့်လူနာ ၂ ဦး ထပ်မံ ရောက်ရှိလာကြောင်း သိရသည်။

.

.

“စဝ်စံထွန်းဆေးရုံမှာ မောင်နှမ ၂ ယောက်က စောင့်ကြည့်လူနာ၊ ကျောက်တလုံးက တစ်ယောက်က (Hospital Quarantine) ဆေးရုံတွင် အသွားအလာ ကန့်သတ်စောင့်ကြပ်ကြည့်ရှုခြင်း ခံနေရသူ ၁ ဦး ရှိတယ်” ဟု ရှမ်းပြည်နယ် ပြည်သူ့ကျန်းမာရေးနှင့် ကုသရေး ဦးစီးဌာနမှ ဒေါက်တာ နှင်းအိဖြူက ကမ္ဘောဇတိုင်းသို့ ပြောသည်။

.

စဝ်စံထွန်းဆေးရုံတွင် ယမန်နေ့က COVID-19 စောင့်ကြည့်လူနာ အသက် ၇၄ နှစ်အရွယ် အမျိုးသား ၁ ဦး ရှိသဖြင့် လက်ရှိတွင် စောင့်ကြည့်လူနာ ၃ ဦး ရှိကာ၊ တာချီလိတ်ဆေးရုံ၌ စောင့်ကြည့်လူနာ ၁၁ ဦး၊ ကျေးသီးဆေးရုံတွင် စောင့်ကြည့်လူနာ ၁ ဦး ရှိသဖြင့် ရှမ်းပြည်နယ်တွင် စုစုပေါင်း COVID-19 စောင့်ကြည့်လူနာ ၁၅ ဦး ရှိကြောင်း သိရသည်။

.

မြန်မာနိုင်ငံတွင် COVID-19 နှင့် ပတ်သက်၍ အတည်ပြုလူနာ ၃ ဦး တွေ့ရှိထားပြီး ပြည်ပနိုင်ငံများမှ ပြန်လာသူ ရှမ်းပြည်နယ်အတွင် အများအပြား ပြန်လည် ရောက်ရှိနေခြင်းကြောင့် လူထုအတွင်း စိုးရိမ်မှု မြင့်တက်နေလျက် ရှိကြောင်းလည်း သိရသည်။

.