တာချီလိတ် အမှတ် (၁) ချစ်ကြည်ရေးတံတားကို မတ်လ ၂၃ ရက်မှစ၍ ထိုင်းဘက်မှ ပိတ်မည် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, March 22, 2020

တာချီလိတ် အမှတ် (၁) ချစ်ကြည်ရေးတံတားကို မတ်လ ၂၃ ရက်မှစ၍ ထိုင်းဘက်မှ ပိတ်မည်


ထက်တိုင်းကျော်
.
ရှမ်းပြည်နယ်အရှေ့ပိုင်း၊ တာချီလိတ်မြို့နှင့် ထိုင်းနိုင်ငံ၊ မယ်ဆိုင်မြို့တို့ကို ဆက်သွယ်ထားသည့် မြန်မာ-ထိုင်း အမှတ်  (၁) ချစ်ကြည်ရေးတံတားကို လာမည့် မတ်လ ၂၃ ရက်၊ တနင်္လာနေ့မှ စတင်၍ ထိုင်းနိုင်ငံဘက်မှ စတင်ပိတ်ပင် သွားမည် ဖြစ်ကြောင်း သိရသည်။
.
 
.
မြန်မာနိုင်ငံနှင့် ထိုင်းနိုင်ငံတို့ကို ဆက်သွယ်ထားသည့် တာချီလိတ်ရှိ အမှတ် (၂) ချစ်ကြည်ရေးတံတားကို ထိုင်းနိုင်ငံ ဘက်က မတ်လ ၂၁ ရက်မှ စတင်၍ ပိတ်ပင်ထားခဲ့ပြီးဖြစ်ကြောင်း သိရသည်။
.
“ထိုင်းဘက်ကနေ တရားဝင် စာနဲ့အကြောင်းကြားပေးတာတော့ မရှိသေးပါဘူး။ စကားပြောညှိနှိုင်း အသိပေးတာပဲ ရှိပါ တယ်။ သူတို့ဘက်ကနေ ပိတ်လိုက်တဲ့သဘောပေါ့။ ဒါကြောင့် ထိုင်းနိုင်ငံဘက်ကို ရောက်နေကြတဲ့ မြန်မာနိုင်ငံသား တွေအတွက် ကြိုတင်သိရှိ ပြင်ဆင်နိုင်အောင်လို့ တာချီလိတ်ခရိုင်စီမံခန့်ခွဲမှုကော်မတီအနေနဲ့ မတ်လ ၂၁ ရက်မှာ အသိပေးစာ ထုတ်ပြန်ကြေညာထားပါတယ်” ဟု တာချီလိတ်ခရိုင်စီမံခန့်ခွဲမှုကော်မတီ ဥက္ကဋ္ဌ၊ ခရိုင်အုပ်ချုပ်ရေးမှူး ဦးမြင့်နိုင်က ကမ္ဘောဇတိုင်းသို့ ပြောသည်။
.
ယင်းကဲ့သို့ ချစ်ကြည်ရေးတံတား ပိတ်ပင်မှုနှင့် ပတ်သက်၍ တာချီလိတ်ဒေသခံ စီးပွားရေးလုပ်ငန်းရှင်တစ်ဦးက “ဟိုဘက် ဒီဘက်ကို တရားဝင်ကူးလို့ မရတော့ဘူးဆိုရင် အရောင်အဝယ်လုပ်ငန်းတွေနဲ့ ထိုင်းဘက်ကို သွားလုပ်နေ ကြတဲ့ နေ့ချင်းပြန် နေ့စားအလုပ်သမားတွေအတွက် အခက်အခဲဖြစ်သွားမယ်။ Taxi သမားတွေကစပြီး အလုပ်တွေ ခက်ခဲသွားနိုင်ပါတယ်” ဟု ၎င်း၏အမြင်ကို ပြောဆိုခဲ့သည်။
.
တာချီလိတ်မြို့နှင့် မယ်ဆိုင်မြို့တို့ကို ဆက်သွယ်ထားသည့် အမှတ် (၁) နှင့် အမှတ် (၂) ချစ်ကြည်ရေးတံတားများကို ယခုကဲ့သို့ ထိုင်းနိုင်ငံဘက်မှ ပိတ်လိုက်ခြင်းမှာ COVID-19 ရောဂါ ကူးစက်ပျံ့နှံ့မှုအား ထိန်းချုပ်ကာကွယ်သည့် အနေဖြင့် ပိတ်ပင်လိုက်ခြင်းဖြစ်ပြီး မြန်မာနိုင်ငံတွင် COVID-19 ရောဂါပိုး ကူးစက်ခံရသူ မတွေ့ရှိရသေးကြောင်း ကျန်းမာရေးနှင့် အားကစားဝန်ကြီးဌာနမှ ထုတ်ပြန်ကြေညာထားသည်။
.

No comments:

Post a Comment

Journal Download

Photo of three cats