အောင်ပန်းတွင် အမျိုးသား တစ်ဦး ဓာတ်လိုက် သေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, March 30, 2020

အောင်ပန်းတွင် အမျိုးသား တစ်ဦး ဓာတ်လိုက် သေဆုံး


စုလှိုင်
.
ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းမြို့၊ မင်္ဂလာရပ်ကွက်၊ ခပေါင်းလမ်းရှိ ဟိုတယ် တစ်ခုတွင် မတ်လ ၂၉ ရက်က အမျိုးသား တစ်ဦး ဓာတ်လိုက် သေဆုံးခဲ့ကြောင်း သိရသည်။
.
ဟိုတယ် မန်နေဂျာ ဦးအောင်နေထွန်း၏ စေခိုင်းချက်အရ ဟိုတယ်၏ ၄ ထပ် အပေါ် လေသာဆောင်၌ တောင်ကြီးမြို့နေသူများ ဖြစ်ကြသည့် အောင်ကိုမြင့်၊ ရဲနိုင်၊ သီဟအောင်နှင့် နေပြည်တော်နေသူ သက်နောင်စိုးတို့ ၄ ဦးသည် ရေပူရေအေး တပ်ဆင်နေသော ရေပူစင်အား ရေဖောက်ချပြီး မ ရွှေ့စဉ် အောက်ကြမ်းခင်း သံမံတလင်းသို့ ရေကျရောက်ကာ ပေါက်ပြဲနေသည့် လျှပ်စစ် ဝါယာကြိုးမှ ၄ ဦးလုံး ဓာတ် လိုက်ခဲ့ရာ သီဟအောင် တွင် ယာလည်ပင်း မီးလောင်ညိုမဲ ဒဏ်ရာ ယာလက်ဖျံတွင် မီးလောင်ညိုမဲ ပေါက်ပြဲ ဒဏ်ရာများ ရရှိခဲ့ပြီး သေဆုံးခဲ့ခြင်း ဖြစ်ကြောင်း သိရသည်။
.

ထို့အတူ အောင်ကိုမြင့်တွင် ယာလက်ကောက်ဝတ် ဖူးရောင် ဒဏ်ရာ ယာခြေခုံ ပွန်းပဲ့ဒဏ်ရာ၊ ဝဲခြေမ ပေါက်ပြဲ ဒဏ်ရာ(မစိုးရိမ်ရ )၊ ရဲနိုင်တွင် ယာတံတောင်ပွန်းပဲ့ ဒဏ်ရာ ဝဲ/ယာ လက်နာကျင် (မစိုးရိမ်ရ) ဒဏ်ရာများ ရရှိခဲ့သဖြင့် အောင်ပန်းတိုက်နယ် ဆေးရုံသို့ ပို့ဆောင်၍ ဆေးကုသမှုခံယူနေကြောင်း သိရသည်။
.
“ မန်နေဂျာကို အရေးယူထားတယ် လူသေသွားတော့ သူ့ကိုအမှုနဲ့ ဖမ်းထားတယ် ဒီနေ့ ချုပ်မိန့် တောင်းထားတယ်။” ဟု အောင်ပန်းနယ်မြေရဲစခန်းမှ ဒုရဲအုပ် ကိုလတ်မှ ပြောသည်။
.
အဆိုပါ ဟိုတယ်တွင် အသုံးပြုသော လျှပ်စစ်ဝါယာကြိုးများကို သေချာ စစ်ဆေးမှု မရှိဘဲ ပေါ့ဆစွာ အသုံးပြုစေခဲ့သူ ရွှေဘုံသာ ဟိုတယ်၏ မန်နေဂျာ ဦးအောင်နေထွန်းအား အောင်ပန်းနယ်မြေရဲစခန်း မှ (ပ)၇၂/၂၀၂၀ ရာဇသတ်ကြီး ပုဒ်မ ၃၃၇ /၃၀၄-က ဖြင့် အမှုဖွင့် အရေးယူထားကြောင်း သိရသည်။

No comments:

Post a Comment

Journal Download

Photo of three cats