ကျိုင်းတုံစော်ဘွားဈေးနေ့ကျင်းပခွင့် ခေတ္တဆို်ငးငံ့ရန် ညွှန်ကြားထားသော်လည်း ဆက်လက်ကျင်းပမည်

ထက်တိုင်းကျော်

.

ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် နှစ်စဉ် ရိုးရာမပျက် ကျင်းပပြုလုပ်လျက်ရှိသည့် စော်ဘွား ဈေးဟောင်းနေ့ ကို မတ်လ ၁၆ ရက်တွင် ကျင်းပပြုလုပ်ရမည်ဖြစ်ရာ ကူးစက်ရောဂါ ကာကွယ်ရေးအတွက် ကျင်းပခြင်း မပြုဘဲ ယာယီဆိုင်းငံ့ထားရန် ညွှန်ကြားထားသော်လည်း ကျန်းမာရေးသတိဖြင့် ဆက်လက်ကျင်းပသွားမည်ဖြစ်သည်ဟု သိရ သည်။

.

 

.

“ဒေသခံပြည်သူတွေ အားလုံးရဲ့ ကျန်းမာရေး ကြိုတင်ကာကွယ်တဲ့အနေနဲ့ ရှမ်းပြည်နယ်အစိုးရရဲ့ ညွှန်ကြား ချက်နဲ့ အညီ ဆောင်ရွက်ရတာဖြစ်ပါတယ်” ဟု ကျိုင်းတုံခရိုင်စီမံခန့်ခွဲမှုကော်မတီ ဥက္ကဋ္ဌ ဦးဝင်းမင်းသိန်းက ကမ္ဘောဇ တိုင်းသို့ ပြောသည်။

.

“ခါတိုင်းနှစ်တွေတော့ ထူးခြားတဲ့ ဘာကူးစက်ရောဂါမှ မရှိခဲ့တော့ ပျော်ပျော်ပါးပါးနဲ့ စော်ဘွားဈေးမှာ လူတိုး ရတာကို အမှတ်တရဖြစ်လို့ နှစ်တိုင်းရောက်ဖြစ်ပါတယ်” ဟု ကျိုင်းတုံမြို့နေ မနန်းဖောင်းကျောက်က ၎င်း၏ အမြင်ကို ပြောသည်။

.

စော်ဘွားဈေးဟောင်းနေ့တွင် ကျိုင်းတုံမြို့၊ အမှတ် (၂)၊ အမှတ် (၃) ရပ်ကွက်၊ ပါလျှံဈေးတန်းကြီး၊ ဈေးတန်း လေးနှင့် မြန်မာ့စီးပွားရေးဘဏ်လမ်းတစ်လျှောက်၌ ပြည်တွင်း/ပြည်ပထုတ်ကုန်ပစ္စည်းမျိုးစုံ လာရောက်ခင်းကျင်း ရောင်းချပေးကာ ယင်းနေ့အား ကျိုင်းတုံမြို့မဈေးကြီး ပိတ်ရက်အဖြစ် သတ်မှတ်ထားခြင်းဖြစ်သော်လည်း ယခုနှစ် တွင် စော်ဘွားဈေးဟောင်းနေ့၌ မြို့မဈေးကို ဖွင့်ထားပေးမည်ဖြစ်ကြောင်း သိရသည်။

.