တောင်ကြီးတွင် မြေယာခွန်ဥပဒေနှင့် ပတ်သက်၍ ပြည်သူများ ပိုမို သိရှိစေရန် လွှတ်တော် ကြားနားပွဲ ပြုလုပ်

စိုင်းရာဇာ

.

ရှမ်းပြည်နယ် မြေယာခွန်ဥပဒေ (မူကြမ်း)နှင့် ပတ်သက်၍ ဒေသခံ ပြည်သူများ ထဲထဲဝင်ဝင် ပိုမိုသိရှိစေ ရန်အတွက် ပြီးခဲ့သည့် မတ်လ ၁၂ ရက်က ရှမ်းပြည်နယ် မြို့တော် တောင်ကြီးမြို့ရှိ မြို့တော်ခန်းမတွင် ရှမ်းပြည်နယ်လွှတ်တော် ကော်မတီ ကြားနာပွဲကို ပြုလုပ်ခဲ့ကြောင်း သိရ သည်။

.

 

.

“လွှတ်တော်ရဲ့ ကဏ္ဍကို ပြည် သူလူထုတွေကနေ ပိုပြီးတော့ ထဲ ထဲဝင်ဝင် သိစေချင်တယ်။ မြေယာ ခွန်ဥပဒေနဲ့ ပတ်သက်ပြီး တောင်ကြီး ခရိုင်အတွင်းမှာရှိတဲ့ လူမှုရေးအဖွဲ့ အစည်းတွေ၊ အုပ်ချုပ်ရေးပိုင်းဆိုင် ရာ၊ စီမံကိန်းတို့၊ ဥပဒေတို့၊ စီမံခန့်ခွဲ ရေး အဖွဲ့တွေကို မြေယာခွန်ဥပဒေ ဘယ်လောက် ဖြစ်သင့်သလဲ၊ မြေ တစ်ဧကကို အရင်က တစ်ကျပ်၊ အခု က ၆၀၀၊ ၇၀၀ လောက်တက်မယ့် ကိစ္စဆိုတော့ ဘယ်လိုအကြံပြုချင် သလဲဆိုတာ ရှင်းပြတယ်”ဟု ရှမ်း ပြည်နယ်လွှတ်တော် ဒုတိယဥက္ကဋ္ဌ၊ ရှမ်းပြည်နယ် လွှတ်တော်ဥပဒေပြု ရေးဆိုင်ရာကော်မတီ ဥက္ကဋ္ဌ ဦးစဝ် အောင်မြတ်က ပြောသည်။

.

ဒုတိယအကြိမ် ရှမ်းပြည်နယ် လွှတ်တော် ဥပဒေပြုရေးကော်မတီ သည် ပြဌာန်းထားသော ဥပဒေများ သက်ဝင်မှု ရရှိစေရန်၊ သက်ဆိုင်ရာ ဝန်ကြီးဌာနများမှ အကောင်အထည် ဖော် ဆောင်ရွက်နိုင်မှု ပိုမိုအား ကောင်းလာစေရန်၊ အပြန်အလှန် ညှိ နှိုင်းပေါင်းစပ် ဆောင်ရွက်နိုင်စေရန်၊ ပြဌာန်းထားသော ဥပဒေများအား သက်ဝင်မှု ရှိ/မရှိ၊ ပြည်သူများ လိုက်နာမှု ရှိ/မရှိနှင့် ရှမ်းပြည်နယ် မြေယာခွန် ဥပဒေ(မူကြမ်း)အပေါ် ဥပဒေကောင်း ပေါ်ထွက်လာစေရန် ရည်ရွယ်၍ ကြားနားပွဲ ပြုလုပ်ခြင်း ဖြစ်ကြောင်း သိရသည်။

.

ဒုတိယအကြိမ် ရှမ်းပြည်နယ် လွှတ်တော်အနေဖြင့် ပြည်သူလူထု များနှင့် တွေ့ဆုံပွဲကို လာမည့် ဧပြီလ အတွင်း တောင်ကြီးမြို့ရှိ ယခင် လွှတ်တော် အစည်းအဝေးခန်းမ (ကျားခေါင်းခန်းမ)တွင် ပြုလုပ်သွား ရန်ရှိကြောင်း သိရသည်။

.

“လွှတ်တော်ရဲ့ လုပ်ငန်းစဉ်တွေ ကို ရှင်းပြတယ်။ ပြည်သူလူထုနဲ့က လွှတ်တော် ကိုယ်စားလှယ်တွေက နေတစ်ဆင့် တွေ့တာပဲရှိတယ်။ ရှမ်း ပြည်နယ်လွှတ်တော် အနေနဲ့ ထိ တွေ့မှု မရှိသေးတဲ့အတွက် ဥက္ကဋ္ဌ ကိုယ်စား တွေ့တာဖြစ်ပါတယ်” ဟု ဦးစဝ်အောင်မြတ်က ဆက်လက် ပြောဆိုခဲ့သည်။

.

ဒုတိယအကြိမ် ရှမ်းပြည်နယ် လွှတ်တော်အနေဖြင့် ဒေသန္တရ စီမံ ကိန်း ဥပဒေ(မူကြမ်း) ၄ ခု၊ ဘဏ္ဍာ ငွေအရ အသုံးဆိုင်ရာဥပဒေ (မူ ကြမ်း) ၈ ခု၊ အများပြည်သူနှင့်ဆိုင် သော ဥပဒေကြမ်း ၁၅ ခု၊စုစုပေါင်း ဥပဒေမူကြမ်း ၂၇ ခုကို လွှတ်တော် သို့ တင်သွင်းနိုင်ခဲ့ပြီး ဥပဒေ ၂၅ ခု ကို အတည် ပြုပြဌာန်းနိုင်ခဲ့ကာ ဆွေး နွေးလျက်ရှိသော ဥပဒေ(မူကြမ်း) ၁ ခုနှင့် အမိန့် ကြော်ငြာစာ အဖြစ် ပြောင်းလဲ ထုတ်ပြန်ခဲ့သည့် ဥပဒေမူ ကြမ်း ၁ ခု ရှိခဲ့ကြောင်း သိရသည်။

.

ဒုတိယအကြိမ် ရှမ်းပြည်နယ် လွှတ်တော် သက်တမ်း ၄ နှစ်တာ ကာလအတွင်း ပုံမှန်အစည်းအဝေး ၁၈ ကြိမ်၊ အရေးပေါ်အစည်းအဝေး ၄ ကြိမ်နှင့် အထူးအစည်းအဝေး ၁ ကြိမ် စုစုပေါင်း လွှတ်တော်အစည်း အဝေး ၂၃ ကြိမ် ကျင်းပပြုလုပ်နိုင် ခဲ့ပြီးဖြစ်ကာ အဆို ၅၈ ခု ဆွေးနွေး အတည်ပြုခြင်း၊ ကြယ်ပွင့်ပြမေးခွန်း ၁၀၀၄ ခု မေးမြန်းခြင်းနှင့် ဖြေကြား ခြင်းများ ဆောင်ရွက်ခဲ့ကြောင်း သိရ သည်။

.

အဆိုပါ ဒုတိယအကြိမ် ရှမ်း ပြည်နယ်လွှတ်တော် ကော်မတီကြား နားပွဲသို့ ဒေသခံ ပြည်သူလူထုများ၊ ရှမ်းပြည်နယ်လွှတ်တော် ကိုယ်စား လှယ်များ၊ အစိုးရဌာနဆိုင်ရာများ၊ အရပ်ဘက် လူ့အဖွဲ့အစည်းများ၊ နိုင် ငံရေးပါတီအဖွဲ့များ တက်ရောက် ဆွေးနွေးခဲ့ကြောင်း သိရသည်။

.

ယင်း လွှတ်တော်ကော်မတီ ကြားနာပွဲ ကျင်းပပြုလုပ်မည့် အစီ အစဉ်နှင့် ပတ်သက်၍ ရှမ်းပြည် နယ်လွှတ်တော်ရုံးမှ သတင်းမီဒီယာ များအား ဖိတ်ကြားရန် ညွှန်ကြား ထားခဲ့သော်လည်း အကြောင်း အ မျိုးမျိုးကြောင့် ပြည်နယ်တွင်းရှိ သ တင်းမီဒီယာအချို့မှာ ဖိတ်ကြားစာ မရသဖြင့် တက်ရောက်နိုင်ခဲ့ခြင်း မရှိကြောင်း သိရသည်။

.