COVID-19 နှင့် ပတ်သက်၍ ရှမ်းပြည်အတွင်း အခြေအနေ

COVID-19 နှင့် ပတ်သက်၍ ရှမ်းပြည်နယ် အတွင်းရှိ ဆေးရုံ ၁၉ ခုတွင် စောင့်ကြည့်လူနာ ၆၄ ဦး၊ သံသယလူနာ ၁ ဦး၊ စုစုပေါင်း လူနာ ၆၅ ဦး ရှိပြီး ယင်းတို့အား ဓါတ်ခွဲ စမ်းသပ်ချက်အရ လူနာ ၆၂ ဦးတွင် ပိုး တွေ့ရှိခြင်း မရှိဘဲ ဓါတ်ခွဲ အဖြေစောင့်ဆိုင်းဆဲလူနာ ၄ ဦး ရှိကာ ပိုးတွေ့လူနာ မရှိသေးကြောင်း ကျန်းမာရေးနှင့် အားကစားဝန်ကြီးဌာနက မတ်လ ၂၈ ရက်၊ ည ၈ နာရီက ထုတ်ပြန်ထားသော အချက်အလက်များအရ သိရသည်။

.

မြန်မာတစ်နိုင်ငံလုံး အတိုင်းအတာဖြင့် စောင့်ကြည့်လူနာ ၄၂၈ ဦး၊ သံသယလူနာ ၂ ဦး၊ စုစုပေါင်း လူနာ ၄၃၀ ဦး ရှိပြီး ပိုးတွေ့(တွေ့ရှိ) လူနာ ၈ ဦး၊ ပိုးမတွေ့လူနာ ၃၆၇ ဦး၊ ဓါတ်ခွဲ အဖြေစောင့်ဆိုင်းဆဲလူနာ ၅၅ ဦး ရှိကာ ယင်းတို့အား သက်ဆိုင်ရာ ဆေးရုံများတွင် စောင့်ကြပ်ကြည့်ရှု ကုသမှု ပေးလျက် ရှိကြောင်း သိရသည်။