မင်းဇော်မင်း
.
ကိုရိုနာဗိုင်းရပ်စ်
COVID-19 ရောဂါသည် အသက်
၆၀ ကျော် အသက်အရွယ်များတွင် ဖြစ်ပွားပါက သေဆုံး နိုင်ခြေ ပိုမိုများပြားကြောင်း တရုတ်နိုင်ငံ
ဗဟိုရောဂါကာကွယ်တားဆီးရေးဌာနက မတ်လ ၁၈ ရက်တွင် ထုတ်ဖော် ပြောဆိုခဲ့သည်ဟု သိရသည်။
.
.
တရုတ်နိုင်ငံ
ဗဟိုရောဂါကာကွယ်တားဆီးရေးဌာန၏ ထုတ်ပြန်ချက်အရ COVID-19 ရောဂါ ဖြစ်ပွားမှုကြောင့် သေဆုံးသူများစာရင်းတွင် အသက်
၈၀ သေဆုံးနှုန်းမှာ ၁၄ ဒသမ ၈ ရာခိုင်နှုန်းအထိရှိပြီး အသက် ၇၀-၇၉ တွင် ၈
ရာခိုင်နှုန်း၊ ၆၀-၆၉ တွင် ၃ ဒသမ ၆ ရာခိုင်နှုန်း၊ ၅၀-၅၉ တွင် ၁ ဒသမ ၃
ရာခိုင်နှုန်း၊ ၄၀-၄၉ တွင် ၀ ဒသမ ၄ ရာခိုင်နှုန်း နှင့် ၁၀ နှစ်မှ ၃၉ နှစ်အတွင်း ၀
ဒသမ ၂ ရာခိုင်နှုန်းဖြစ်ကာ မွေးစမှ ၉ နှစ်အတွင်း သေဆုံးသူ မရှိကြောင်း ဖော်ပြထား
သည်။
ယင်း
ဆန်းစစ်ချက်သည် တရုတ်နိုင်ငံ၊ ဝူဟန်မြို့သို့ ရိုက်ခတ်ခဲ့သည့် ရောဂါဖြစ်ပွားမှုအတွင်း တွေ့ရှိချက် များကို
ဆန်းစစ်ခဲ့ခြင်းဖြစ်ကာ အဓိကမှာ အဆုတ်များသို့ ကိုရိုနာဗိုင်းရပ်စ်မှ
တိုက်ခိုက်ရာတွင် အားနည်းသည့် အသက် အရွယ်ကြီးရင့်သူများ၏ အဆုတ်များသို့
ပြင်းထန်စွာ တိုက်ခိုက်ခြင်းကြောင့် ဖြစ်သည်ဟု ဖော်ပြထားသည်။
.
