.
တောင်ကြီးမြို့ စဝ်စံထွန်းဆေးရုံသို့၊ ယနေ့ မတ်လ ၃၀
ရက်တွင် ရက်က COVID-19 စောင့်ကြည့်လူနာ အမျိုးသား တစ်ဦး ရောက်ရှိနေကြောင်း သိရသည်။
.
" မိုင်းပွန်ကပါ စောင့်ကြည့်လူနာ ဖြစ်ပါတယ်။
အမျိုးသား၊ အသက် ၃၀ ပါ။ ”ဟု ရှမ်းပြည်နယ် ပြည်သူ့ကျန်းမာရေးနှင့်
ကုသရေးဦးစီးဌာနမှ လက်ထောက်ညွန်ကြားရေးမှူး
ဒေါက်တာ နှင်းအိဖြူက ကမ္ဘောဇတိုင်းသို့ ပြောသည်။
.
.
အဆိုပါ လူနာအမျိုးသားသည်
လွန်ခဲ့သော ၈ နှစ်ခန့်က ထိုင်းနိုင်ငံရှိ တည်းခိုခန်းတစ်ခုတွင် မန်နေဂျာအဖြစ် အလုပ်
လုပ်ကိုင်ခဲ့သူဖြစ်ပြီး မတ်လ ၁၇ ရက်တွင် ထိုင်းနိုင်ငံမှ မော်တော်ယာဉ်ဖြင့် တာချီလိတ်မြို့မှတစ်ဆင့်
ပြန်လည်ရောက်ရှိခဲ့ပြီးနောက် မတ်လ ၂၆ ရက်တွင် လည်ချောင်းနာ ဝေဒနာကို ခံစားရသဖြင့် လွိုင်လင်ပြည်သူ့ဆေးရုံသို့
သွားရောက်ပြသခဲ့ကာ ထိုင်းနိုင်ငံသို့ ခရီးသွား
ရာဇဝင် ရှိခြင်းကြောင့် COVID-19 စောင့်ကြည့်လူနာအဖြစ် သတ်မှတ်၍ တောင်ကြီး စဝ်စံထွန်းဆေးရုံသို့ လွှဲပြောင်းပြီး
သီးခြားထားရှိ၍ ဆေးကုသမှု ခံယူနေခြင်း ဖြစ်ကြောင်း သိရသည်။
.
ပြည်ပနိုင်ငံများမှ ရှမ်းပြည်နယ်အတွင်းသို့ ပြန်လည်
ဝင်ရောက်လာသူ မတ်လ ၂၉ ရက်အထိ ၉၀၀၀ ကျော် ရှိနေပြီ ဖြစ်ကြောင်း ရှမ်းပြည်နယ်အစိုးရအဖွဲ့ထံမှ
သိရသည်။
