COVID-19 ပိုး ရှိသည့် ကိုယ်ဝန်ဆောင်အချို့မှ မွေးဖွားသည့် ကလေးသို့ ကူးစက်နိုင်စွမ်းရှိဟု တရုတ်သိပ္ပံပညာရှင် ပြော

မင်းဇော်မင်း

.

COVID-19 ရောဂါပိုး ရှိသည့် ကိုယ်ဝန်ဆောင်အချို့မှ မွေးဖွားသည့် ကလေး အချို့တွင် ဗိုင်းရပ်စ်ပိုး ကူးစက်သည်ကို တွေ့ရကြောင်း မတ်လ ၂၆ ရက်၌ တရုတ်သိပ္ပံပညာရှင်များက ထုတ်ပြန်သည့် အစီရင်ခံစာတွင် ဖော်ပြထားသည်ဟု China Daiy သတင်းတွင် ဖော်ပြခဲ့သည်။

.

အဆိုပါ ထုတ်ပြန်ချက်တွင် ကူးစက်မှု အလွန် နည်းပါးသော်လည်း ကူးစက်နိုင်စွမ်း ရှိသည်ကို သက်သေပြနေသည်ဟု ဆိုထားသည်။

.

ကိုယ်ဝန်ဆောင် အများစု အနေဖြင့် COVID-19 ရောဂါ အသေးစား ကူးစက်ခံရနိုင်ပြီး ကိုယ်ဝန်ဆောင် ကာလအတွင်းနှင့် မွေးဖွားပြီး ကာလများတွင် ဖြစ်နိုင်ချေများသည်ဟု တရုတ်နိုင်ငံ အကယ်ဒမီအင်ဂျင်နီယာတက္ကသိုလ်မှ ပညာရှင်ဖြစ်သူ Qiao Jie က ဟူပေပြည်နယ်၊ ဝူဟန်မြို့၌ မတ်လ၂၅ ရက်တွင် China Daiy သို့ ပြောဆိုခဲ့သည်။

.

မိခင်မှ ကလေးသို့ ကူးစက်မှုကိုမူ သက်သေပြခြင်း မဟုတ်ဟုလည်း Qiao Jie ပြောဆိုထားပြီး ၎င်းသည် ပြီးခဲ့သော ဖေဖော်ဝါရီလ ကတည်းက ဝူဟန်မြို့ရှိ COVID-19 ရောဂါ ကူးစက်မှု ပြင်းထန်လ ူနာများကို ကုသနိုင်ရန် လမ်းညွှန်နေခဲ့သူဟုလည်း သတင်းတွင် ဖော်ပြထားသည်။

.

ကိုယ်ဝန်ဆောင်များ အနေဖြင့် COVID-19 ရောဂါ ပြင်းထန်စွာ ဖြစ်ပွားနေသည့် ကာလအတွင်း ဖြစ်ပေါ်နေသော အခြေအနေကိုသာ ကျော်လွန်နိုင်ရန် အရေးကြီးသည်ဟု Qiao Jie က တိုက်တွန်း ပြောကြားခဲ့ကြောင်း သိရသည်။

.