ထက်တိုင်းကျော်
.
ရှမ်းပြည်နယ် အရှေ့ပိုင်း၊ ကျိုင်းတုံမြို့နယ်၊
ယန်းလောကျေးရွာအုပ်စု၊ ရထားလမ်းဟောင်းအနီး၌ နေထိုင်သည့် အသက် ၁၃ နှစ်အရွယ်ရှိ ၄ တန်း
ကျောင်းသူ တစ်ဦးကို အသက် ၆၀ အရွယ် အမျိုးသားက မတ်လ ၁၆ ရက်တွင် သားမယား အဖြစ် အဓမ္မ
ပြုကျင့်ရန် အားထုတ်မှု ဖြစ်ပွားခဲ့ကြောင်း သိရသည်။
.
"ကျောင်း တက်နေတုန်းကတော့
မြို့ထဲမှာ နေပါတယ်။ ခု ကျောင်း ပိတ်သွားလို့ အိမ်ကို ပြန်ရောက်နေတုန်းမှာ ခုလို ဖြစ်တာပါ"ဟု
မိန်းကလေးငယ်၏ မိခင် ဒေါ်ဖြူ (အမည်လွှဲ)မှ ကမ္ဘောဇတိုင်းသို့ ပြောသည်။
.
ယင်း ကျောင်းသူကို အဓမ္မ သားမယားပြုကျင့်ရန်
အားထုတ်ခဲ့သူမှာ အသက် ၆၀ အရွယ် ဦးအိုက်ခေ ဖြစ်ပြီး အဓမ္မ ပြုကျင့်ရန် ကြံစည်အားထုတ်စဉ်
မိန်းကလေးငယ်က အမျိုးသားအား တွန်းဖယ်၍ အော်ဟစ် အကူအညီ တောင်းခံခဲ့သဖြင့် အထမမြောက်ခဲ့ကြောင်း
သိရသည်။
.
အဆိုပါ အရွယ် မရောက်သေးသည့် မိန်းကလေးငယ်ကို
သားမယား အဖြစ် ပြုကျင့်ရန် အားထုတ်ခဲ့သည့် ဦးအိုက်ခေ အား ဥပဒေအရ အရေးယူပေးရန် ကျိုင်းတုံ
မြို့မရဲစခန်းတွင် တိုင်ကြားထားကြောင်း သိရသည်။
.
